Update Covid-19 TL 12 Setembru: Kazu Pozitivu 133

DILI, STLNEWS.co – Loron 12 Setembru tinan 2021, liu husi Sala Situasaun Sentru Integradu Jestaun Krize (SS-SIJK), rejistu tan kazu konfirmadu pozitivu Covid-19 hamutuk 133 no rekuperadu 168.

Kestaun nee hato’o husi Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, ba jornalista sira liu husi konferensia imprensa, Dominggu (12/09/2021).

Nia dehan, kazu pozitivu Covid-19 neebe ohin rejistu tan hamutuk iha 133, munisipiu Dili iha nain 70, RAEOA iha nain 22, Lautem 18, Baucau 10, no munisipiu seluk hamutuk 13.

Husi kazu nee, mane iha nain 69 no feto iha nain 64, nomos ho idade tinan 20 iha nain 29 (21,8%), idade entre tinan 12 to’o 59 nain 94 (70,6%), depois ema ho idade 60 iha nain 10, husi kazu foun nee iha 75 (56,3%) maka sintomátiku (hatudu sintomas).

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste nee informa tan, kazu detetadu foun ohin 35 (26%) iha ona vasina kompletu no 11 (8%) hetan ona vasina doze dahuluk. Kazu rekuperadu 168, kazu ativu 3.105, no total kazu konfirmadu kumulativu sura husi 21 Marsu 2020 to’o 12 Setembru 2021 hamutuk 18.515.

Entretantu, iha Laboratoriu Nasional Saude halo teste PCR iha 286, hanesan vijilansia sentinela iha 7, rastreiu ba kontaktu (contact tracing) iha 44, no rastreiu aleatoriu (random screening) 72.

Nia tenik, viajen sai husi serka sanitaria Munisipiu Dili iha nain 77, viajen internasional 5, no follow up iha kuarentena 81.

Total testes PCR neebe halo horisehik 11 Setembru iha Munisipiu sira seluk inklui REAOA & HNGV hamutuk iha 281, hanesan Baucau 70, Ermera 13, Maliana 15, Maubisse 30, RAEOA 36, Suai 20, Viqueque 12, Lospalos 18, no HNGV 67.*

Reportajen: Jeniche da Costa
Editor: António César

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: