Update Covid-19 TL 18 Outubru: Kazu Pozitivu 11 & Rekuperadu 12

DILI, STLNEWS.co – Sentru Integradu Jestaun Krize (SIJK) detetadu kazu foun ohin loron nee hamutuk 11 nomos rekuperadu hamutuk 12.

“SIJK detetatu kazu foun loron nee hamutuk 11, nomos kazu rekuperadu nee nain 12. Kazu sira nee husi Dili nain 2, munisipiu seluk 9. Husi total kazu detetadu foun ohin nee mane 7 no feto 4,” lia hirak nee hatoo husi Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi nota konferensia imprensa, Segunda (18/10/2021).

Nia hatutan, husi total kazu ohin loron idade 20 iha nain 3 (27,2%), idade entre tinan 12 too 59 nain 6 (54,5%) nomos idade 60 nain 2. Husi total kazu detetadu foun ohin nee 7 (63,6%) mak sintomatiku (hatudu sintomas). Husi kazu detetadu foun ohin 4 (36%) iha ona vasina kompletu no nain 2 (18%) hetan ona vasina doze dahuluk.

Husi horiseik mai ohin loron, Laboratoriu Nasional Saude halo 45 testes PCR iha Dili, vijilánsia sentinela 0, rastreiu ba kontaktu (contact tracing) 0, rastreiu aleatoriu (random screening) 8, viajen internasional 5, no follow up iha kuarentena nain 32.

Nia afirma, total testes PCR neebe halo horiseik iha loron 17 fulan Outubru iha Munisipiu sira seluk inklui HNGV no Vera Cruz hamutuk 74, hanesan iha Baucau nain 1, Ermera 0, Maliana 10, Maubisse 0, RAEOA 9, Suai 9, Viqueque 0, Lospalos 1, HNGV nain 35, no Vera Cruz 0.

Total teste PCR iha oras 24 ikus 119. Ida nee hatudu taxa pozitividade 9,2%, iha semana kotuk loron 11 fulan Outubru, taxa pozitividade 1,4%.

Haktuir nia, total kazu ativu ohin loron 18 fulan Outubru tinan nee 98. Total kazu konfirmadu kumulativu iha 18 fulan Outubru de 2021 no sura husi 21 Marsu 2020 hamutuk 19.725. Aleinde kazu obitu ba ohin loron laiha (0).*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...