Update Covid-19 TL 19 Outubru: Kazu Pozitivu 5 & Rekuperadu 29

DILI, STLNEWS.co – Sentru Integradu Jestaun Krize (SIJK) ohin loron rejistu tan kazu pozitivu foun 5, nomos rekuperadu iha nain 29.

“SIJK detetadu kazu foun loron nee hamutuk 5, nomos kazu rekuperadu nee nain 29. Kazu sira nee husi iha Dili nain 4 no munisipiu seluk nain 1. Husi total kazu detetadu foun ohin nee mane 3 no feto 2,” lia hirak nee hatoo husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi nota konferensia imprensa, Tersa (19/10/2021).

Nia hatutan, husi total kazu ohin loron idade 20 nain 1 (20%), ho idade entre tinan 12 to”o 59 nain 3 (60%) nomos idade 60 nain 1. I husi total kazu detetadu foun ohin, 4 (80%) maka sintomatiku (hatudu sintomas).

Husi horiseik mai ohin loron, Laboratoriu Nasional Saude halo 68 testes PCR iha Dili, vijilánsia sentinela 3, rastreiu ba kontaktu (contact tracing) 0, rastreiu aleatoriu (random screening) nain 21, viajen internasional nain 39, no follow up iha kuarentena nain 5.

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste nee mos afirma, total testes PCR neebe halo horiseik iha loron 18 fulan Outubru iha munisipiu sira seluk inklui HNGV no izolamentu Vera Cruz hamutuk 202, iha Baucau 59, Ermera 3, Maliana 13, Maubisse 18, RAEOA 0, Suai 0, Viqueque 0, Lospalos 6, HNGV 91, no Vera Cruz 12.

Total kazu konfirmadu kumulativu iha 19 fulan Outubru 2021 no sura husi 21 Marsu 2020 hamutuk 19.730.

Aleinde nee, kazu obitu ba ohin loron nee iha mane ida ho idade 31, hela iha Covalima, vasina la kompletu. Iha 13 Outubru 2021, diagnostikadu Sindroma Insufisiensia Respiratoria Aguda (SIRA) tanba Covid-19. Iha oron nee kedas halao tratamentu iha Lahane. Horikalan 20:40 OTL (Segunda 18/10/2021) matebian iis kotu. Familia kolabora ho ekipa saude, hodi halao funeral tuir protokolu neebe adopta iha Timor Leste.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...