Update Covid-19 TL 21 Agostu: Kazu Pozitivu Hamutuk 281

DILI, STLNEWS.co – Loron 21 de Agostu liu husi Centro Integrado Gestão de Crises, Sala Situação (CIGC-SS) hatudu katak, Timor-Leste (TL) kontinua rejistu kazu konfirmadu pozitivu Covid-19 hamutuk 281, inklui Munisipiu Dili 212.

Liafuan nee hatete husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista liu husi nota konferensia imprensa, Sabadu nee (21/08/2021).

“Ita nia foun pozitivu neebe relata ohin dia 21 iha nain 281, inklui Munisipiu Dili iha 212, Covalima 19, Manatutuo 16, Baucau 15, Manufahi 13, munisipiu seluk hamutuk 6,” nia hatete.

Rui hatutan, total kazu detetadu foun iha mane 176 no feto iha nain 105, idade 20 iha 66 (23,4%), idade entre tinan 12 too 59 nain iha 201 (71,5 %), nomos ema ho idade 60 iha nain 14, iha 86 kazus (30,6%) maka sintomátiku (hatudu sintomas).

Nia koalia, kazu rekuperadu iha nian 71, total kazu ativu neebe sei iha izolamentu iha 3.088, no kazu konfirmadu kumulativu iha 21 de Agostu 2021 no sura husi 21 Marsu 2020 hamutuk 13.981.

Aleinde nee, iha Laboratoriu Nasional Saude halo teste PCR 512, vijilansia sentinela 9, rastreiu ba kontaktu (contact tracing) 241, rastreiu aleatoriu (random screening) 20. Viajen sai husi serka sanitária Munisipiu Dili 128, viajen internasional laiha (0), follow up iha kuarentena 114.

Total testes PCR neebe halo horiseik dia 20 de Agostu iha Munisipiu sira seluk inklui REAOA no HNGV, hamutuk iha nain 231, hanesan iha munisipiu Baucau 35, Ermera laiha (0), Maliana 12, Maubisse 36, RAEOA 28, Suai 40, Viqueque 6, Lospalos 4, no HNGV 70.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: