Update Covid-19 TL 22 Agostu: Kazu Pozitivu Hamutuk 235

DILI, STLNEWS.co – Loron Domingu (22/08/2021) liu husi Centro Integrado Gestão de Crises, Sala Situação (CIGC-SS), rejistu tan kazu konfirmadu pozitivu Covid-19 hamutuk nain 235 no rekuperadu 57.

Hatete Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa Domingu (22/08/2021).

“Ita rejistu tan kazu relata dia 22 de Agostu iha nain 235, munisipiu Dili nian iha nain 183, Covalima 31, Manufahi 13, no munisipiu seluk hamutuk 8,” hatete Rui.

Nia dehan, husi kazu foun nee iha mane 111 no feto iha nain 124, sira nee ho idade tinan 20 iha nain 59 (23,8%), no idade entre tinan 12-59 nain 170 (72,3%), iha mos ema ho idade 60 iha nain 6, husi sira nee iha 101 kazus ka 43,0% maka sintomatiku (hatudu sintomas).

Nia esplika, husi kazu detetadu foun ohin, 69 (29,3%) vasina kompletu ona, no 41 (17,4%) hetan ona vasina doze dahuluk. Nia informa, kazu rekuperadu iha 57, no total kazu ativu neebe sei iha sala izolamemtu iha 3.264, nomos kazu konfirmadu kumulativu iha 22 de Agostu 2021 no sura husi 21 Marsu 2020 hamutuk 14.216.

Nia tenik, iha Laboratoriu Nasional Saude halo teste PCR iha 431 no Dili hanesan vijilansia sentinela 22, rastreiu ba kontaktu (contact tracing) 210, rastreiu aleatóriu (random screening) 25. Viajen sai husi serka sanitaria Munisipiu Dili iha 150, viajen internasional 16, follow up iha kuarentena 8.

Total testes PCR neebe halo horiseik dia 21 de Agostu iha Munisipiu sira seluk hanesan REAOA no HNGV hamutuk 488, hanesan munisipiu Baucau 79, Ermera 0, Maliana 31, Maubisse 32, RAEOA 20, Suai 113,Viqueque laiha 0, Lospalos 14, no HNGV 199.

Entretantu vasina neebe fo ona ba populasaun elijível (tinan 18 ba leten), too ohin dader 10:00 OTL, dia 22 de Agostu (tuir Sistema Informasaun Saude iha Ministeriu Saúde) total populasaun neebe simu vasina Timor-leste iha segundo doze hamutuk 21.7% no primeiru doze iha 48.3%.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: