Update Covid-19 TL 23 Agostu: Pozitivu 187, Rekuperadu 67, & Mate 1

DILI, STLNEWS.co – Loron 23 de Agostu tinan nee, liu husi Centro Integrado Gestão de Crises, Sala Situação (CIGC-SS) rejistu tan kazu pozitivu Covid-19 hamutuk 187 no mate nain 1.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi nota konferensia imprensa, Segunda (23/08/2021).

“Kazu konfirmadu pozitivu Covid-19 iha nain 187, Munisipiu Dili iha nain 77, Covalima 63 no munisipiu seluk hamutuk 47.” dehan Rui.

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste nee esplika, husi kazu nee iha mane nain 106 no feto iha 81, husi kazu nee ema ho idade tinan 20 iha nain 62 (23,8%), entre tinan 12 too 59 iha nain 119 (63,6%), nomos ema ho 60 nee iha nain 6. Sira nee iha 125 kazus ka 66,8% maka sintomatiku (hatudu sintomas).

Nia informa, iha nain 40 nee (21,3%) iha ona vasina kompletu no iha nain 56 (30%) hetan ona vasina doze dahuluk. Kazu rekuperadu iha 67, no kazu ativu iha sala izolamentu 3.383, no total kazu konfirmadu kumulativu iha 23 de Agostu 2021 no sura husi 21 Marsu 2020 hamutuk 14.403.

Aleinde nee mos iha óbitu neebe relata loron 23 de Agostu tinan nee iha nain 1 (ida) mane ho idade tinan iha 68, Timoroan, hela iha Gleno, Ermera. Iha 16 de Agostu de 2021, diagnostikadu Covid-19 (PCR pozitivu, CT Egene 22, N2gene.24,7), iha Gleno, Ermera, no hahu halao izolamentu iha dia 17 de Agostu tinan 2021.

Rui hatete, matebian iha mos problema hipertensaun, hahu dia 17 de Agostu, pasiente ninia saturasaun oksijeniu la normal, no hahu hatudu sinal sindroma insufisiensia respiratoria aguda (SIRA).

Maibe familia matebian lakohi atu transfere mai halo tratamentu iha Dili, no ohin madrugada matebian isin manas, saturasaun oksijeniu tuun-makas no matebian iis-kotu tuku 11:20 OTL dader.

Nia hatutan, familia la aseita halao funeral tuir protokolu neebe adopta iha Timor-Leste.

Entretantu, Laboratoriu Nasional Saude neebe halo teste PCR 238, vijilánsia sentinela iha nain 1, rastreiu ba kontaktu (contact tracing) iha 106, rastreiu aleatoriu (random screening) 23. Sira viajen sai husi serka sanitaria Munisipiu Dili iha 99, viajen internasional 4, no follow up iha kuarentena iha nain 5.

Total testes PCR neebe halo horiseik, dia 22 de Agostu, iha Munisipiu sira seluk inklui REAOA ho HNGV, hamutuk 354, hanesan Munisipiu Baucau 56, Ermera 0, Maliana 30, Maubisse 34, RAEOA 28, Suai iha 84, Viqueque 11, Lospalos 7, no HNGV 104.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: