Update Covid-19 TL 24 Agostu 2021: Kazu Pozitivu 532

DILI, STLNEWS.co – Loron Tersa 24 Agostu tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu pozitivu Covid-19 hamutuk 532.

Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Tersa nee (24/08/2021).

“Ita nia kazu pozitivu covid-19 iha timor hamutuk iha nain 532, munisipiu Dili nain iha 298, Munisipiu Baucau iha 90, Covalima nain 75, nomos munisipiu seluk hamutuk iha 69,” Rui esplika.

Nia dehan, husi total kazu detetadu foun nee iha mane nain 335 no feto 197, husi total kazu detetadu foun nee iha idade tinan 20 iha nain 122 (23,8%), no entre idade tinan 12 to 59 nain 393 (73,68%), ema ho idade 60 iha nain 17, husi kazu nee iha nain 202 kazus ka 38% maka sintomatiku (hatudu sintomas).

Depois husi kazu detetadu foun ohin, 81 (15%) iha ona vasina kompletu, iha 146 hetan (27%) mak hetan ona vasina doze dahuluk. Nia tenik, kazu rekuperadu iha nain 97, total kazu ativu oras nee iha sala izolamentu hamutuk 3.816, nomos iha kazu konfirmadu kumulativu iha 24 de Agostu 2021 no sura husi 21 Marsu 2020 hamutuk 14.935.

Aleinde nee hotu Laboratoriu Nasional Saude halo teste PCR iha 1.388 nee iha husi munisipiu Dili, hanesan vijilansia sentinela 122, rastreiu ba kontaktu (contact tracing) 412, no rastreiu aleatóriu (random screening) 315. Sira nee viajen sai husi serka sanitaria Munisipiu Dili iha 248, viajen internasional iha 238, no follow up iha kuarentena iha 5.

Nia informa, iha mos total testes PCR neebe halo horiseik dia 23 de Agostu, iha Munisipiu sira seluk inklui RAEOA no HNGV hamutuk 506, hanesan Munisipiu Baucau 92, Ermera 15, Maliana 47, Maubisse 36, RAEOA 24, Suai 148, Viqueque 11, Lospalos 16, no HNGV 117.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: