Update Covid-19 TL 28 Agostu: Kazu Pozitivu Hamutuk 276 & Mate Nain 1

DILI, STLNEWS.co – Loron 28 fulan Agostu tinan nee husi Centro Integrado Gestão de Crises, Sala Situação (CIGC-SS) rejistu tan kazu konfirmadu pozitivu Covid-19 hamutuk nain 276 nomos ema neebe mate ho pozitivu Covid-19 iha nain 1.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista nota konferensia imprensa, Sabadu (28/08/2021).

“Kazu detetadu foun neebe loron 28 fulan Agostu tinan nee iha nain 276, Munisipiu Dili iha nain 197, Baucau 30, Covalima 10, no munisipiu seluk hamutuk nain 39,” dehan nia.

Nia dehan, husi kazu total kazu detetadu foun hirak nee ho idade 20 to’o 50 hetan 18%, idade entre tinan 12 to 59 nain 217 nee hetan 78,6% nomos ema ho idade 60 iha nain 9, iha mos 1.123 kazus ka 44,5% mak sintomátiku (hatudu sintomas).

Nia esplika, husi kazu detetadu foun ohin iha 102 (37%), iha ona vasina kompletu no 49 (18%) hetan ona vasina doze dahuluk.

Nia koalia, kazu rekuperadu iha nain 125, total kazu ativu neebe sei iha sala izolamentu Vera Cruz iha nain 4.523. Nomos total kazu konfirmadu kumulativu iha loron 28 fulan Agostu 2021 no sura husi loron 21 fulan Marsu tinan 2020 iha 16.236.

Aleinde iha mos total obitu neebe relata ohin loron 27 fulan Agostus iha nain 1, iha feto idade tinan 76, nuudar Timoroan hela iha Dili, seidauk vasina, iha loron 28 fulan Agostu tinan 2021 iha diagnóstikadu iha emerjensia HNGV ho sindroma insufisiénsia respiratoria aguda (SIRA).

No matebian iis-kotu iha madrugada tuku 03:03 OTL, tanba respiratoric failure/parajen respiratória, rezultadu PCR hafoin iis-kotu CT:22,8.             

“Familia rejeita atu halao funeral tuir protokolu neebe adopta iha Timor Leste,” dehan nia.

Nia informa, iha Laboratoriu Nasional Saude halo 655 testes PCR iha Dili, vijilansia sentinela 82, rastreiu ba kontaktu (contact tracing) 308, rastreiu aleatoriu (random screening) 145.

Tanba viajen sai husi serka sanitaria Munisipiu Dili iha nain 94, viajen internasionál 1, follow up iha kuarentena 25, total testes PCR neebe halo horiseik, loron 27 fulan Agostu, iha munisipiu sira seluk inklui REAOA no HNGV hamutuk 367, hanesan Munisipiu Baucau iha 151, Ermera iha 6, Maliana iha 51, Maubisse iha 26, RAEOA iha 15, Suai iha 38, Viqueque iha 8, Lospalos iha 4, no HNGV iha nain 68.*

Reporatajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: