Update: Kazu Ema Mate Covid-19 Nain 4

DILI, STLNEWS.co – Loron Tersa fulan Agostu tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu ema mate ho pozitivu Covid-19 iha nain haat. Nain 3 iis kotu iha sala izolamentu Vera Cruz no izolamentu Lahane no nain ida iis kotu iha dalan bainhira atu mai tratamentu iha Hospital Nasional Guido Valadares (HNGV).

Kestaun nee hato’o husi Kordenador Forsa Tarefa ba Prevensaun no Mitigasaun surtu Covid-19 iha Timor-Leste, (CIGC-SS) Rui Maria de Araújo ba jornalista sira liu husi nota konferensia imprensa, Tersa (26/08/2021).

“Total obitu neebe relata ohin kinta loron 26 fulan Agostu tinan 2021 iha nain 4 (haat),” hatete Rui.

Nia dehan, feto ho idade tinan 65, Timoroan nian hela iha Munisiliu Dili, seidauk vasina, iha loron 24 fulan Agostu tinan 2021 iha diagnostikadu sindroma insufisiensia respiratoria aguda (SIRA), tanba Covid-19, no hahu halo tratamentu iha Vera Cruz iha loron nee kedas.

Nia esplika, matebian iha mos istoria sofre moras tuberkuloze, hipertensaun no diabetes, tanba nee dader 03:30 matebian iis-kotu. 

Nia tenik, iha mos mane ho idade tinan 69 nuudar Timoroan hela iha  Dili, simu ona vasina doze kompletu, iha loron 23 fulan Agostu tinan nee, maibe nian  diagnostikadu sindroma insufisiensia respiratoria aguda (SIRA), tanba Covid-19, no nian hahu halo tratamentu iha Lahane. Depois matebian iha mos istoria stroke hemorájiku.      

Nia informa, ohin dader 04: 30 matebian iis-kotu, familia kordena hela ho ekipa saude sira atu halao funeral tuir protokolu neebe adopta iha Timor Leste (TL). Iha mos mane ida ho idade tinan 69 Timoroan, hela iha Dili, seidauk simu vasina, iha loron 26 fulan Agostu tinan nee, maibe nia iha diagnostikadu sindroma insufisiensia respiratoria aguda (SIRA), tanba Covid-19, no hahu halao tratamentu iha HNGV, iha loron nee kedas.         

“Ohin dader 02:00 matebian iis-kotu, familia kordena hela ho ita nian ekipa saude sira nian atu halao funeral tuir protokolu neebe adopta iha Timor Leste,” nia informa.

Nia afirma, iha tan mane ho idade tinan 23 nuudar Timoroan, hela iha Viqueque, seidauk simu vasina, iha loron 25 fulan Agostu tinan nee iha diagnostikadu sindroma insufisiensia respiratoria aguda (SIRA), tanba Covid-19.               

Depois ohin dader atu transfere mai Vera Cruz liu husi ambulansia, maibe metebian iis-kotu iha tuku 10:45 dader iha dalan ba aeroportu Viqueque nian.

Nia tenik, matebian iha mos istoria sofre moras tuberkuloze, tanba nee familia kordena hela ho ekipa saude sira atu halao funeral tuir protokolu neebe adopta iha Timor-Leste.

Entertantu iha loron 26 fulan Agostu tinan 2021, izolamentu Vera Cruz ho Lahane halo tratamentu ba kazu detetadu nain 66. Iha área obstetrisia nain 6, medisina interna nain 49, sirurjia nain 6 no perinatolojia nain 5, sira nain 6 iha obstetrisia, kategoria leve hotu.

Nia afirma, husi sira nain 49 iha medisina interna, 24 kategoria grave (5 uza ventilador, 2 ho CPAP-Continuous Positive Airway Pressure, 15 ho oksijéniu), 15 kategoria moderadu, 10 kategoria leve, iha mos 6 iha sirurjia, kategoria leve hotu, 5 iha perinatolojia, kategoria leve hotu.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: