Vasina AstraZeneca 20 Mill Doses Too Ona TL

DILI, STLNEWS.co – Vasina AstraZeneca neebe produs iha Australia, dadaun nee rihun 20 (doses 20.000) too ona TL, tanba vasina mak dalan uniku atu manan hasoru pandemia Covid-19.

Informa reprezentente Embaixador Australia iha TL Peter Roberts, liu husi nia diskursu wainhira entrega vasina AstraZeneca ba Ministeriu Saude iha Aereportu Nicolau Lobato Internasional Dili, Kuarta (05/05/2021).

Nia dehan, vasina AstraZeneca neebe produs iha Melbourne, tanba nee goveru Australia apoiu rihun 20 vasina AstraZeneca ba TL.

“Tanba ita hotu hatene katak, vasina mak hanesa dalan unik hodi manan pandemia Covid-19 ida nee,” nia hatete.

Foto: STL/Donaciano Magalhães

Nia esplika, AstraZeneca nee produs iha Ausutalia, no povu Australia mos hetan ona vasina ida, “Ami sei kontinua fornese vasina AstraZeneca nee aprovizionamentu liu husi UNICEF iha tinan nee hodi kobre populasaun adultu iha Timor tomak,” nia tenik.

Iha oportunidade nee nia mos afirma, governu Australia mos fornese osan millaun US$ 18,8 hodi tulun Timor Leste iha kampana ba vasina. Inklui osan hodi produs no distribui vasina seguru no efetivu ba ema hotu-hotu iha TL, kobre pursentu 80 husi populasaun neebe mak la kobre husi COVAX.

Entertantu Ministra Saude (MS) Odete Maria Freitas Belo dehan, agradese ba doadores tomak neebe husi nasional no internasional neebe sempre fo apoiu ba Ministeriu Saude durante nee.

“Imi nia apoiu tomak neebe hatudu liu husi ita nia servisu hamutuk, iha tempu defisil neebe ami Timoroan infrenta mak hanesan, luta hasoru pendemia Covid-19 no resposta ba dezastre naturais, nomos pereparasaun neebe laos fasil atu simu vasina foun, no atu intrudusaun vasina foun ba Covid-19 nian,” nia afirma.*

Reportajen: Jeniche da Costa/Donaciano Magalhães
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...