Vasina AstraZeneca Doses 10.000 Aban Too TL

DILI, STLNEWS.co – Ministra Saude (MS) Odete Maria Freitas Belo hateten, iha loron Kuarta nee (05/05/2021) mais ou menus tuku 11:00 OTL vasina ho tipu AstraZeneca (AZ) hamutuk 10.000 doses husi Australia sei too Timor Leste.

Kestaun nee Ministra Saude (MS) informa wainhira hasoru malu ho Primeiru Ministru (PM) Taur Matan Ruak iha rezidensia Xefe Governu Farol, Tersa (04/05/2021).

“Ohin mai informa ba Primeiru Ministru Taur Matan Ruak atu informa konaba iha loron Kuarta feira nee Timor Leste sei simu vasina ho tipu AstraZeneca hamutuk 10.000 doses husi governu Australia,” dehan Ministra Saude Odete Maria Freitas Belo.

Odete dehan, apoiu vasina AstraZeneca nee laos apoiu husi COVAX Facility, maibe liu husi apoiu bilateral neebe nasaun Timor Leste ho Australia iha. Tuir nia, dadaun nee governu prepara hela atu simu mos vasina husi COVAX Facility, no data seidauk serteza, aleinde iha mos vasina ho tipu Sinovac (CoronaVac) husi governu Xineza neebe tempu badak sei too Timor Leste.

Nia hatutan, vasina AstraZeneca hamutuk 10.000 doses nee lansamentu vasinasaun sei halo iha loron 10 Maiu sei hare liu ba sidadaun sira neebe mak iha moras komplikadu.

“Vasina 10.000 doses nee, dadaun nee kazu infetadu makas iha Dili tanba nee sei haree liu ba pasiente sira neebe mak iha moras TBC, HIV-SIDA, diabetes, no sidadaun sira neebe mak idade liu ona 40 anus, tanba sira nee konsideradu hanesan risku as liu tanba wainhira moras nee kona tenki uza ventilator oxigeniu, nunee iha lansamentu vasinasaun iha dia 10 Maiu agora sei tau prioridade liu ba sira,” dehan nia.

Antes nee iha loron Segunda (14/04/2021) Embaixador Australia ba Timor Leste Peter Roberts katak, Australia prontu ona apoiu vaksin ho tipu AstraZeneca nunee bele kontribui ba vasinasaun iha TL.

Tanba dadaun nee nia ekipa koalia ona ho Ministeriu Saude liu husi ekipa teknika sira iha Timor Leste para haree detaliu konaba prosesu atu haruka vaksin nee mai Timor Leste.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: