Vasina Prioridade Ba Lina Frente

DILI, STLNEWS.co – Diretora Jeral Prestasaun Saude (DJPS) Odete da Silva Viegas hatete, vasina agora dadaun nee prioridade ba lina frente sira.

Diretora hatoo kestaun nee ba STL bainhira akompanha vasinasaun ba lina frente sira iha Centru Convensaun Dili (CCD), Sesta (16/04/2021).

“Hakarak hatoo mensajen ba populasaun tomak katak ita nia nasaun agora hahu aplika tiha ona vasina AstraZeneca durante semana ida nee nia laran. No prioridade ba vasina hahu nee ba uluk lina frente sira hanesan profesional saude, PNTL, F-FDTL no ema sira neebe mak servisu iha agua saneamentu no ema neebe mak servisu fo hahan ba ema moras, sira neebe mak servisu iha aeroporto, imigrasaun alfandega, media nee tama prioridade primeiru.” katak Odete da Silva Viegas.

Nia hatutan, bainhira remata halo vasinasaun ba ekipa lina frente sira, tuir mai sei halo mos vasinasaun ba ema sira neebe mak moras kronik sira hanesan moras tensaun, kurasaun, diabetes, fase ran, moras asma ronik sira nee mos sei tama prioridade. Nunee mos ema neebe mak vuneravel sira, neebe mais sesentas anos ba leten.

Nunee mos grupu prioridade tuir mai mak ba padre, madre, professores sira nunee mos lider komunitariu sira neebe mak hela iha area fronteira sira.

Diretora hatutan, bainhira simu vasina iha mos reasaun hanesan isin manas, bee doko, sente moras iha sona fatin, no ema balun sai muta no balun halo dukur nee efetu sekundaria.

Odete mos dehan, isu neebe mak dehan katak sira neebe mak moras laran nee perigu ba saude nee laloos, justru sira neebe mak moras nee mak simu uluk vasina tanba bele proteze sira nia aan nunee karik kona virus labele too situasaun neebe mak grave.

Tuir observasaun neebe mak STL hetan, partisipante neebe mak partisipa Iha vasina nee lina frente sira hanesan jornalista iha Timor Leste, inklui mos F-FDTL no PNTL.*

Reportajen: Emerenciana Pinto/Guilhermina Franco
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: