Vasina Proteze Ema Husi Ameasa Variante Delta

DILI, STLNEWS.co – Ministeriu Saude (MS) husu ba populasaun iha Timor laran tomak hakbesik aan ba postu Saude no Sentru Saude sira hodi simu vasina, tanba vasina proteza ema husi ameansa Variante Delta.

Minista Saude (MS) Odete Maria Freitas Bele hatete, virus nee nia karakter muda ona sai variante oi-oin no uniku meius atu proteze aan maka simu vasina kontra Covid-19

“Hau nafatin alerta ba populasaun grupo risku no elejivel sira atu hakbesik aan ba postu vasinasaun Covid-19 hodi simu vasina, tanba virus nee nia karakter muda ona sai variante oi-oin no uniku meus atu proteze aan maka simu vasina kontra Covid-19,” dehan Odete ba jornalista sira, iha nai knaar fatin, Kuarta (29/07/2021).

Ministra Saude nee mos, preokupa atividade barak komesa re-ativa hanesan eskola, maibe komunidade sira la kumpri protokolu prevensaun no lakohi simu vasina tanba situasaun sira nee lori risku ba populasaun tomak iha rai ida nee.

Tanba variante Covid-19 besik dadaun ona mai iha Timor-Leste, liu-liu munisipiu frontera sira tanba nee governu muda estratejia atu hahu kampanha komprehensivu iha munisipiu fronteira sira.

Iha fatin ketak, Presidente Autoridade Munisipiu Covalima, Francisco de Andrade husu povu Covalima labele fiar informasaun falsu sira neebe espailha iha publiku konaba vasinasaun, maibe enkoraja malu atu simu vasina tanba vasina maka bele proteze ita husu ameasa variante foun husi Covid-19.

Prezidente Autoridade Munisipiu Covalima afirma, iha faktu surtu Covid-19 tama iha teritoriu nasional husi postu fronteira munisipiu Covalima nian tanba nee husu ema hotu simu vasina no kumpri medida prevensaun sira.

Entertantu Anita Ximenes, nudar joven iha Suku Comor dehan, konaba vasina nee diak, tanba bele prevene Covid-19, no mos bele prevene mos variante foun, tanba nee husu ba joven hot-hotu labele tauk vasina, tanba vasina mak dalan uniku atu prevene virus nee.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...