DILI, STLNEWS.co – Durante nee ema defisiensia sira sempre hola parte iha atividades desportiva, tanba sira iha talentu neebe diak.
Lia hirak nee hatoo husi Veronica Besi Tilman hanesan jestora programa iha Asosiasaun Defisiensia Timor Leste (ADTL) ba STL iha nia knaar fatin, Sabadu nee (06/05/2023).
“Tuir hau nia observasaun ba partisipasaun ema ho defisiensia lao hela internus preparasaun. Ema ho defisiensia tinan nee sei partisipa eventu ASIA Para Games iha nasaun Kamboja, iha federasaun 6 mak sei partisipa, mak hanesan natasaun, atletizmu, catur, hit besi ka foti besi powerlifting, tennis meja, Badminton,” dehan nia.
Veronica akresenta, atleta balun mak iha difikuldade ba dokumentus pasaporte, tanba nee mak atleta balun labele atu kompete iha oportunidade refere, tanba sira iha difikuldade neebe ohin mensiona.
“Ita espera ba oin, ami nian maluk defisiensia sira sei partisipa diak liu tan iha atividades desportu, tanba ami mos iha talentu hanesan ho maluk hirak neebe la kondisaun defisiensia, entaun ita hotu bele partisipa atividades hirak nee ho diak liu tan,” nia afirma.
(jac)
