DILI, STLNEWS.co – Ekipa Selesaun Nasional Femenina derota iha kompetisaun SEAN Football Federation (AFF) sub 19 neebe mak realiza iha Palembang, Indonezia, foin lalais nee, tanba menus esperiénsia ba iha jogus internasional sira.
Lia hirak nee hatoo husi Diretor Tekniku Federasaun Futebol Timor Leste, Gaspar Quintão ba STL iha Aeroportu Internasional Nicolao Lobato, Komoro, Dili, Kuarta (12/07/2023).
Nia dehan, derota nee tanba primeiru hatene katak idade ida sira nian nee foin primeira vez sai ba kompete iha rai liur.
Ida nee ba kompetisaun sub 19, maibe foin lalais nee lori sira 18 anos nain 2 mak sikat iha leet, restu nee maioria 17 mai okos.
Nia akrsenta, ho derota sira nee FFTL nafatin prepara sira hodi hetan esperiensia internasional ruma.
“Jogador sira nee maioria foun, durante nee sira joga duni maibe iha deit liga domestika,” nia hatete.
Nia afirma, jogador hamutuk nain 22 mak foin lalais ba tuir kompetisaun AFF Sub 19, neebe mak realiza iha Palembang, Indonezia.
“Iha Kompetisaun refere Timor joga kontra nasaun 3 hanesan Laos, Kamboja no Indonezia. Rezultadu derota hasoru Indonezia 7-0, derota kontra Laos 5-0 inklui derora kontra derota Kamboja 1-0,” tenik nia.
Nia katak, derota ida nee konsidera diak oituan, tanba ekipa sira uluk ba tuir kompetisaun nee derota ho skor neebe mak boot.
Iha fatin hanesan, Kapitaun Ekipa Femenino Virginia Fátima hatete, sira iha kompetisaun AFF, sira maioria ho idade neebe kiik.
“Ami nia ekipa mesak idade neebe kik agora ita kontra nasaun seluk ema idade Boot deit,” tenik nia.
(mar)
