F-FDTL Cup, Sukaer Laran Fc Derota Ho Iraler

DILI, STLNEWS.co – Relasiona ho kompetisaun kopa FALINTIL – Forsa Defeza Timor Leste (F-FDTL), ekipa husi Sukaer Laran Fc derota ho nia adversariu Iraler Fc ho skor 2-0.

Duelu entre ekipa rua nee realiza iha Kampu Futebol F-FDTL Fatuhada, Dili, Domingu nee (24/07/2022).

Iha inisiu jogu jogador ekipa rua nee tama iha kampu laran ho idak-idak nia tatiku jogu, hodi lansa kedas atake ba malu ho ritmu neebe naton, jogador ekipa 2 nee entuziasmu hakarak marka kedas golu, jogador ekipa husi Iraler neebe mak domina uluk jogu refere, susesu fura uluk rede adversariu Sukaer Laran liu husi jogador Celestino, tanba nee skor nakfilak ba 1-0.

Ekipa Sukaer laran neebe sofre uluk golu halo esforsu makaas no amesa hela deit ba rede adversariu Iraler, maibe la konsege rezulta golu, jogador ekipa rua nee nafatin mantein sira nia pozisaun iha kampu laran hodi lansa bola ba mai iha kampu laran, hafoin bola neebe sira lansa ba mai barullu iha area baliza Sukaer Laran Fc, tanba nee kapitaun ekipa Iraler Fc, Alarici da Costa aproveita kedas oportunidade ho diak hodi ezukuta kedas bola ba iha rede adversariu Sukaer Laran Fc ikus mai rezulta tan golu ida, ho nunee skor muda hikas ba 2-0, jogador ekipa adversariu Sukaer Laran mos esforsu makaas hodi kontinua fo presaun jogu nian ba rede adversariu Iraler, maibe la rezulta golu tanba xave metin husi defeza no guarda rede Iraler Fc, ekipa rua nee mantein sira nia pozisaun hodi defende sira nia ekipa too jogu termina, vitoria ba ekipa Iraler no ekipa adversariu Sukaer Laran Fc fila ho derota hodi hein fali jogu tuir mai.

Hafoin jogu termina, kapitaun ekipa Iraler Fc, Alarico da Costa ba STL katak, maski hasoru difikuldade barak maibe sira hetan rezultadu diak.

“Ami espera katak ho jogu tuir mai ami sei hadia diak liu tan ami nia jogu hodi manan ekipa seluk,” dehan nia.

iha sorin seluk, kapitaun ekipa Sukaer Laran Fc, Sebastiao Soares mos hatete, sira nia preparasaun durante nee masimu, maibe presiza treinu tan.

“Dala ruma tanba ami mai husi Hera dook, i balu hela iha Dili no ami ladun treinu hamutuk, tanba nee mak hodi hetan rezultadu hanesan nee, maibe ami ho ami nia ekipa sei hadia ami nia failansu hirak nee, nunee sai forti liu tan,” kata nia.

Nia dehan, sira nia failansu iha kampu laran kontra ekipa Iraler nee husi parte mediu nian, tanba nee sira sei presiza hadia tan.

(mar)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...