Federasaun Sujere CPNTL Edifisiu Ketak

DILI, STLNEWS.co – Federasaun Desportivas ba ema ho desfisiensia sira husu ba Comite Paralimpico Nasional Timor Leste (CPNTL), bainhira iha Prezidente CPNTL foun atu muda edifisiu ketak.

Prezidente Federasaun Para Xadrez Timor Leste, Inocensio Xavier hatete, agora daudaun iha CPNTL mos prepara hela atu kongresu oinsa atu hili prezidente foun, maibe haree took kongresu nee bainhira mak atu realiza.

Agora mos Prezidente CPNTL Interinu prepara hela, sei haree hela bainhira mak halo kongresu.

Nia hatete, konaba figura neebe mak atu mai kandidatu nee sei haree lai.

“Maibe prezidente neebe mak atu mai lidera CPNTL, ami so husu nia esforsu oinsa mak CPNTL nia ofice nee ketak ida, labele hamutuk fali ho Konfederasaun Desportu Timor Leste,” dehan nia ba STL iha Hotel Vila Verde, Dili (22/12/2023).

Nia dehan, ema non defisiensia sira iha edifisiu ida ketak, maibe Paralimpiku induk ida iha Timor, tanba sa mak nia edifisiu nee sei hamutuk hela ho CDTL.

Iha fatin hanesan, Prezidente Interinu CPNTL, Mateus Lucas hatete, konaba kongresu CPNTL sira sei realiza, maibe ami sei tur hamutuk hodi halo diskusaun.

Enkuantu, antes nee Prezidente CPNTL mak Izabel Ferreira, maibe oras nee fila hikas ona ba reinu lalehan, tanba nee mak sira sei hein kongresu hodi hili fali Prezidente CPNTL foun.

(mar)

LEAVE A REPLY

Please enter your comment!
Please enter your name here