Governu Kontinua Konstrui Fasilidade Desportivas

DILI, STLNEWS.co – Relasiona ho federasaun sira kontinua preokupa ho fasilidade desportivas, tanba nee governu liu husi Sekretariu Estadu Juventude no Desportu (SEJD) kontinua buka meius oin-oin hodi konstrui fasilidade desportivas iha Timor Leste.

Lia hirak nee hatoo husi Diretora Nasional Patrimoniu Dezenvolvimentu das Infraestrutura SEJD, Maria Luísa Monteiro ba STL liu husi WhatsApp, Sesta (23/06/2023).

“Hanoin federasaun sira iha direitu atu preokupa nee los duni, maibe governu liu husi SEJD kontinua buka meius oin-oin hodi konstrui fasilidades desportivu ho estandarte internacional,” dehan nia.

Nia afirma, konaba fasilidade neebe mak daudaun nee iha mak estadiun sira finaliza ona, maibe ba tinan fiskal 2023 nian, nia prosesu konstrusaun ba fasilidade desportivas sei lao hela, mak hanesan kampu sira iha Dili laran.

Nia mos akresenta, konaba preparasaun parte SEJD ba jogos CPLP nee hein hela Konferensia Ministru Juventude Desportu Comunidade dos Países de Língua Portuguesa (CPLP), neebe tuir planu akontese iha Cavo Verde, hamutuk ho atividades jovens kriadores.

(mar)

LEAVE A REPLY

Please enter your comment!
Please enter your name here