Kampu Futsal Nafatin Sai Preokupasaun

DILI, STLNEWS.co – Kampu futsal sei nafatin sai preokupasaun ba klubu primeiru no segundu divizaun Liga Futsal Timor Leste.

Lia hirak nee hatoo husi Prezidente Klubu Primeira Divizaun Mauputar FC, Antoninho Junior ba STL iha Manleuana, Dili, Sabadu (03/12/2023).

“Se bele ita iha kampu futsal indor diak ida para ita bele joga ho diak, tanba ita agora tama ona iha liga profisional, primeiru ita tenki iha kampu diak ida,” katak nia.

Nia hatete, aumezmu bainhira selesaun nasional futsal sira atu ba liur tenki iha netik kampu ida neebe mak diak hodi treinu, nunee labele lakon barak liu ho nasaun adversariu sira.

Nia informa, iha futsal nee kampu nee mak importante liu, tanba nee mak tenki iha kampu ida neebe mak sufisiente.

Iha fatin hanesan, Klubu Cesar Dante, Jogador Gelvanio Angelo da Costa hatete, presiza iha kampu futsal ida diak.

“Ita presiza iha duni kampu indor ida, nunee ita utiliza ba kompetisaun no mos prepasaun ba selesaun nasional sira hodi reprezenta Timor Leste nia partisiapasaun iha kompetisaun rai liur,” katak nia.

Hatan ba preokupasaun nee, Sekretariu Jeral Asosiasaun Futsal Timor Leste, Fernando Baptista hatete, los duni kampu sai preokupasaun, tanba nee sira sei hein lideransa foun FFTL mak sira aprezenta.

(mar)

LEAVE A REPLY

Please enter your comment!
Please enter your name here