DILI, STLNEWS.co – Avansadu prinsipal Emmanuel FC, Edit Savio sai jogador neebe mak produtivu liu iha kompetisaun Liga Timorense epoka 2022-2023, hodi sai melhor markador ho golu 7.
Ba jornalista sira jogador Edit Xavio hatete, nia parte orgulhu tanba bele sai hanesan melhor markador iha kompetisaun LFTL epoka nee.
Nia haktuir, husi kopa 12 Novembru 2015, sei ho idade neebe kiik no sempre kompete ho estranjeiru no kandidata forti sai melhor markador, maibe too final sempre falha hela deit.
“Maibe hau nafatin esforsu aan nafatain too mai iha 2023, hau ho idade neebe mak avansa ba beibeik, maibe hau nafatin iha vontade, tinan ida nee foti duni top skor, neebe durante iha hau nia kareira futebol senti satisfaz tebes,” dehan nia.
Nia hatete, esperansa ba oin nafatin koko para kompete ho jogador neebe idade kiik.
(mar)
