DILI, STLNEWS.co – Vicente da Silva Carvalho kontinua hetan fiar husi asosiasaun sira, re-eleitu hikas ba Prezidente Federasaun Hartefelismu Cultura Pezo Timor Leste (FHACUPTIL), hodi lidera tan federasaun durante tinan 4.
“Hau agradese ba ita boot sira nia apoiu neebe foo fiar mai hau ho estrutura, atu halao nafatin knaar tinan haat mai oin, hau mos senti katak responsabilidade nee hau hakarak simu, tanba buat balu sei iha dalan, presiza nafatin atu halo servisu kontinuasaun,” tenik prezidente liu husi nia diskursu iha CONTL, Dili, Sabadu nee (23/07/2022).
Nia hakuir, agora nia asina hela akordu ida ho atlteta, ida hetan bolsu estudu ba Thailandia tinan 2 ho balu, no planu lubuk ida mak agora lao hela i haree ba kondisaun iha rai laran hanesan treinador.
“Agora ita nia planu mak nee, ita esforsu nafatin para kria asosiasaun sira hodi halo kompletu iha 12 munisipiu inklui RAEOA, ita halo tanba apoiu sira mos mai nafatin ho razaun atu kria asosiasaun i ita nia federasaun internasional entende,” katak nia.
Nia haktuir, agora daudaun asosiasun 8 mak estabelese ona.
(mar)
