29 Novembru 2021, DIT Gradua Finalista 355

DILI, STLNEWS.co Dili Institute of Technology (DIT) iha loron Segunda (29/11/2021) sei halao serimonia graduasaun ba dala XIV ho graduadus hamutuk ema nain 355, neebe mak preparadu ona hodi simu sira nia titulu akademika hanesan Bacharelatu ho Lisensiatura.

Serimonia graduasaun ba XIV nee ho tema “Papel Ensinu Superior hodi Dezenvolve Rekursu Umanu ba Kresimentu Ekonomia ho Sustentabilidade Ekonomia Timor” halao iha knua DIT.

Antes halao serimonia nee, iha loron Sabadu 28 fulan Novembru tinan 2021, familia boot DIT halao misa agradesimentu iha Igreja Katederal Dili.

Relasiona ho serimonia graduasaun finalista DIT ba XIV, ekipa STL Corporation kompostu husi Manajer Kobertura, Yoseph Koa, Manager Tekniku, Ramiro Tavares do Nascimento, Manager HRD, Marcos da Silva no jornalista senior, Mikael Mali Mau, hasoru malu ho Reitor DIT, Alvaro Menezes Amaral, SE, MSi iha knua DIT, Segunda nee (22/11/2021).

Iha sorumutu nee, Reitor Alvaro ho ekipa STL Corporation koalia konaba kobertura neebe sei halao husi ekipa STL ba serimonia misa agradesimentu iha loron Sabadu (28/11/2021), no serimonia graduasaun iha loron Segunda (29/11/2021), inklui kobertura atividade seluk neebe relasiona ho serimonia graduasaun.

Tinan-tinan STL Corporation hetan fiar husi DIT halo kobertura konaba serimonia graduasaun neebe DIT halao.

Tuir ajenda neebe iha loron Sabadu 28 fulan Novembru tinan 2021, familia boot DIT halao misa agradesimentu iha Igreja Katedral Dili, horas: 11.00 OTL to’o remata no iha loron Segunda 29 fulan Novembru tinan 2021, serimonia graduasaun iha Knua DIT, hahu iha horas 08:00 – 12:00 OTL.

Iha serimonia graduasaun nee, sei halao programa lubuk ida hanesan:

  • Entrada Graduadus sira iha Resintu Serimonial (Muzika Foin Sae Timor)
  • Entrada Senadu Akademiku (Muzika Gaudianus)
  • Inu Nasional Patria-Patria no tuir kedas ho orasaun
  • Abertura Reuniaun Extraordinaria Senadu Akademiku DIT
  • Serimonia Graduasaun Estudante Finalista Master of Business Administration/MBA
  • Aprezentasaun no Konfere Grau Akademiku ba Graduadus husi Master of Business Administration
  • Muzika Almamater
  • Aprezentasaun no Konfere Grau Akademiku ba Graduadus husi Eskola Superior Komersiu no Jestaun, Eskola Superior Turismu no Ospitalidade, Eskola Superior Enjenharia no Siensias, Eskola Superior Estudus Petroliferus
  • Diskursu Sientifiku husi Salustiano Piedade dos Reis, Ph. D, Aprezentasaun no Entrega Premiu ba Melhores Graduadus 2020
  • Inu Institusional DIT.
  • Diskursu husi Reprezentante Graduadus, Diskursu Prezidente Interinu Board of Trustees (BoT)
  • Diskursu Magnifiku Reitor Alvaro Meneses Amaral, Ph.D
  • Diskursu Ministru Ensinu Superior Siensia no Kultura, Dr. Longuinhos dos Santos.
  • Marxa DIT
  • Enseramentu Reuniaun Extraordinariu Senadu Akademika DIT
  • Retirada Senadu Akademiku DIT (Muzika Gaudianus)

(yos/mik)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...