80% Estudantes Foti Ona Materia Rezumu

DILI, STLNEWS.co – Estudantes husi ensinu sekundariu Nobel da Paz, kuaze pursentu 80 foti materia rezumu, iha ezame primeiru periodu no sira priense iha uma, hatama ona ba eskola.

Adjuntu Diretor eskola sekundariu Nobel da Paz, Agostinho Pinto dehan, dadaun nee sira nian estudantes husi eskola sekundariu Nobel da Paz, foti ona sira nian materia rezumu ba ezame primeiru periodu ninia, bainhira sira ba priense hotu iha uma, sira tenke entrega ba iha eskola.”

Kona ba materia rezumu kuaze 80% estudante sira foti iha eskola, no entrega fali ona mai iha eskola, tanba estudante sira neebe sei iha foho, sira nee ita seidauk hatene sira nia paradeiru, maibe ami professores mantein nafatin iha eskola, no sira neebe entrega ona professores kada disiplina, sira kontinua kedas halo koreksaun para fo valor ba estudante sira nee iha. Hau hanoin ami professor ida-idak sempre hein nafatin iha eskola, ho nunee bainhira estudante sira mai foti materia rezumu, ami professor sira bele fo ba ami nian estudantes, tanba ida nee, kestaun Covid-19 mak halo ita nunee,” dehan Agostinho ba STL iha nia knaar fatin, Kinta (29/04/2021).

Nia dehan, estudantes neebe iha Dili laran, sira asesu ba informasaun, hodi nunee bele mai foti materia rezumu sira nee iha eskola, tanba sira mai foti deit, lori ba priense iha uma, depois mak lori mai hatama fali iha eskola, agora hirak neebe too agora seidauk, nee professor sira sei nafatin hein iha eskola.

Nunee mos, Rosa Martins hanesan estudante Nobel da Paz hatete, sira ba iha eskola, para bele foti deit materia rezumu ninia, bainhira foti ona bele fila uma, no priense hotu lori mai iha eskola, para bele fo ba professor sira.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: