Armindo: 18 Janeiru Prosesu Ensinu Aprendizajen Lao Fila Fali

Ministru Edukasaun, Juventude, no Desportu (MEJD), Armindo Maia. (Foto: STL/Blandina Mauno)

DILI, STLNEWS.co – Ministru Edukasaun, Juventude, no Desportu (MEJD), Armindo Maia, informa hafoin remata enkontru iha Konsellu Ministru katak, dia 18 fulan Janeiru prosesu ensinu aprendizajen lao fila fali.

“Kalendariu eskolar asina tiha ona tanba nee, enprinsipiu loron 13 fulan Janesiru inisiu anu letivu katak, mestri sira sei tama hodi halo limpeza no arma kadeira sira tuir distansiamentu sosial no dia 18 maka sei prosesu ensinu aprendizajen,” dehan nia ba jornalsita sira iha Palasiu Governu, Sesta (08/01/2021).

Nia afirma, Ministeiru Edukasaun, Juventude, no Desportu sei lori maskra ho hand sanitizer ba eskola sira neebe besik iha lina fronteira, nomos Rejiaun Administrativa Espesial Oecusse Ambeno (RAEOA), atu bele fasilita estudante sira hodi halo prosesu aprendizajen, tanba MEJD iha maskra no hand sanitizer neebe hetan apoiu husi parseiru dezenvolvimentu no embaixada inklui komunidade salisiano sira.

Nia dehan, sirkular ida neebe hasai iha loron 5 nee katak, atividade sira bele lao fila fali, maibe tenke kumpri rekezitus minimu hanesan distansiamentu sosial.

“Agora hau ho Ministra Saude asina tiha ona diploma ministerial konjuntu no segunda feira bele publika ona iha jornal republika neebe sei regula mais klaru liu” tenik nia.

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here