Aula Online Dezafiu Boot Ba Defisiensia

DILI, STLNEWS.co – Iha ambitu Covid-19, estudante sira asesu deit aula online, maibe programa ida nee hanesan dezafiu boot ba maluk defisiensia sira.

Tuir Domingos Tallo Mau dos Santos, hanesan Diretor Fundasaun Ahisaun hatete, durante iha ambitu pandemia surtu Covid-19, halo estudante sira asesu deit ba aula online, maibe programa ida nee difikulta ba maluk defisiensia tilun neebe labele rona, no balun defisiensia matan labele haree, ida nee sai dezafiu ba sira hodi asesu programa refere.

“Hau haree katak, buat ida prosesu aula online nee sai hanesan dezafiu boot ida mai ita, liu – liu ba maluk sira ho defisiensia, se maluk sira ho defisiensia, ezemplu sira neebe mak defisiente matan, oinsa mak sira bele asesu diak ba iha aula online ninia, inklui defisientes tilun mos, oinsa mak sira bele asesu ba atividades online ninia, nee ami sente katak, ida nee sai hanesan dezafiu boot ida mai ita nian maluk sira defisiensia matan no tilun, ida nee mak sai problema boot ba ita nian maluk defisiensia matan no tilun,” dehan Domingos ba STL iha nia knaar fatin, Tersa nee (14/09/2021).

Iha sorin seluk, Aguida Mendonca da Conceicao hanesan estudante husi ISR Lahane, fakuldade edukasaun, semester 6 hatete, husu ba maluk defisiensia matan no tilun, tanba husi telefone sira labele haree no rona.

“Hau nian problema ba iha eskola online mak hanesan, dala ruma nee jaringan internet la diak, depois inan aman haruka osan tarde, dala ruma ita estudantes hanoin barak, tanba iha eskola ita hasoru dosente sira direita atu nunee ita bele komprende diak liu tan, tanba nuudar ema defisiensia hakarak direta hasoru ita nian dosente sira, no bele husu buat neebe hau la komprende,” dehan nia.

Nia hatete, bainhira hili area edukasaun, oinsa mak atu promove fali ninia maluk defisiensia sira atu nunee maluk sira neebe hela iha uma, inan aman tau prioridade ba sira, tanba nia iha mehi ida ba futuru, bele promove maluk defisiensia sira.*

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: