Aula Online Estudante Lubuk Ida Laasesu

DILI, STLNEWS.co – Durante governu implementa Estadu Emerjensia (EE), Serka Sanitaria (SS) no Konfinamentu Obrigatoriu (KO), estudante barak maka laasesu Online.

Estudante Fakuldade Siensia Sosiais UNTL, Adrovaldo L. Nahak dehan, relasiona ho eskola online ka virtual nia hanoin laimportante, maibe importante mak aula prezensial, los duni katak iha tempu agora modernu, ita hotu presiza liu husi teknolojia, maibe teknolojia fo vantajen iha no fo desvantajen mos ba ita.

Nia haktuir, tanba dala barak estudante sira toman liu aula prezensial, sei ita liu husi aula virtual deit, nia sente katak dala ruma mos ita lapresiza atu aprende tan iha setor edukasaun, tanba google dala ruma atu hatene liu fali dosente sira, tanba dosente sira hatene mak siensia deit, maibe depende ba ita nain hira nia intereksaun atu aprende.

“Dezenvolve timor ida nee, hau laos dehan lao tarde ka lalais liu, maibe presiza mos tau atensaun ba problema sira nee hotu, tanba aula online estudante lubuk ida maka laasesu. Ami kapital deit sente ona problema, satan estudante sira neebe mak iha area rurais, neebe nunka asesu liu ba lina internet no telefone neebe laos android, hau mos hanesan estudante preokupa ba malu, satan kolega sira seluk,” dehan Adrovaldo ba STL, iha Kampus UNTL Caicoli, Dili, Kuarta (14/07/2021).

Nia husu ba Ministeriu Ensinu Superior presiza tau atensaun, liu-liu ba universidade sira, presiza haree problema no kondisaun didiak tuir situasaun neebe ita iha, tanba problema nee polemika los, satan estudante susar tebes ba sira atu aprende iha tempu sira hanesan nee.

Iha fatin seluk Diretora Jeral Ensinu Superior no Siensia, Maria Filomena Lay Guterres hatete, tuir MESSK fo sai ba ensinu superior sira katak, iha inisiu Agustu kontudu ita haree ba situasaun semana oin ba oin, ejizensia mak estudante sira tenke simu ona vasina primeira faze no segundu faze, maibe sei iha verifikasaun karik lao tuir regra nia oinsa atu bele hahu.

MESSK mos halo reuniaun para sira tun hodi halo monitorizasaun iha ensinu superior sira.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: