Bolsu Estudu Ba Australia Numeru Kontinua Aas

DILI, STLNEWS.co – Dokumentasaun numeru aplikasaun ba bolsa estudu Australia nian neebe submete ba tinan Admisaun 2022 sae ba 38%, nee numeru neebe aas tebes.

Liu husi komunikadu imprensa neebe STL simu iha Tersa lorokraik (29/06/2021) nee katak, aplikasaun ba bolsa Estudu Austrália iha Timor-Leste sae husi porsentu 38 too numeru ida neebe aas liu hotu iha tinan 2021 ho aplikasaun neebe submete hamutuk 368 kompara ho 282 iha tinan 2020.

Maske foin lalais nee mosu inundasaun no restrisaun COVID-19 nian, feto 176 no mane 192, inklui ema ho defisiensia 16 aplika ona ba oportunidade atu estuda iha universidade sira neebe diak liu iha Australia iha tinan 2022.

“Hau haksolok tebes haree númeru aplikasaun bolsa estudu Austrália nian neebe aas tebes iha tinan ida nee. Kontente liu tan wainhira haree feto no ema ho defisiensia barak liu mak aplika ba bolsa estudu nee,” dehan Embaixador Australia iha Timor Leste, Peter Roberts.

Tuir nia katak, numeru aplikasaun nee hasae liu hosi kampaña promosaun ida inklui sesaun informasaun 36 kobre munisipiu sia, neebé involve feto no mane 800 liu. Sesaun informasaun online balun mós kria hodi redús restrisaun COVID-19 nian ka hasoru malu, kompleta liuhosi periodu estensaun ba aplikasaun durante fulan ida. Alein ida nee, Austrália fornese kursu badak lian Inglés durante fulan 3 ba ema ho defisiensia no funsionáriu públiku sira.

Kada tinan programa bolsa estudu Austrália oferese mínimu bolsa ida ba ema ho defisiensia. Desde 2018, ami fornese ona formasaun sira hodi kria plataforma ida ba aplikante sira ho defisiensia ne’eb’e iha potensia, neebé bele prenxe ho diak liu rekezitu sira lingua nian ba bolsa estudu internasionál.

Too ohin loron formasaun hirak ne’e inklui kursu Inglés konabá empregabilidade fulan 18 iha SENAI NT no kursu badak lian Inglés periodu rua ne’ebé fornese liuhosi kolaborasaun ho organizasaun ema ho defisiensia nasionál sira.

Ba informasaun detallu konabá Bolsa Estudu Austrália iha Timor-Leste no oportunidade kursu badak iha futuru, vizita ami-nia website www.Austráliaawardstl.org ka kontaktu ekipa bolsa estudu [email protected]áliaawardstl.org

Bolsa estudu hamutuk rua-nulu ne’ebé finansía hosi Governu Austrálianu sei fó iha tinan nee. Wainhira bolseiru sira ne’e gradua, sira sei hola parte iha antigu alunu 339 uza sira-nia edukasaun exelente hodi kontribui ba dezenvolvimentu Timor-Leste nian.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: