Bomfilho Hamorin ESG Nicolao Iha Nivel Nasional

Estudante ho naran Bomfilho da Costa Reis, hamorin Eskola Sekundariu Geral (ESG) Nicolao Lobato, nia naran tanba sai melhor klasifikasaun iha nivel nasional ho valor 54. (Foto: STL/Maria Tavares)

DILI, STLNEWS.co – Estudante ho naran Bomfilho da Costa Reis, hamorin Eskola Sekundariu Geral (ESG) Nicolao Lobato, nia naran tanba sai melhor klasifikasaun iha nivel nasional ho valor 54. Dehan Diretor ESG Nicolao Lobato, Marcos Soares Paicheco ba STL, iha Tasi Tolu Dili, Segunda (21/12/2020).

“Ami iha estudante neebe tuir ezame iha Eskola Sekundariu Geral Nicolao Lobato, 339 entre sira nee iha nain 9 mak la tuir ezame entaun hela 330 mak tuir ezame, ita konsidera sira pasa hotu iha anu letivu 2020 ho valor neebe ass, valor 54 husi estudante ida ho numeiru ezame DL 11290, ho naran kompletu Bomfilho da Costa Reis nia mak hetan valor melhor klasifikasaun iha nivel nasional.“ dehan Marcos.

Nia relata iha mos estudante ida ho numeiru ezame 11348 nia hetan valor 51, estudante rua nee mak hetan valor ass iha Eskola Sekundria Geral Nicolao Lobato, husi departamentu Ciensia Teknologia.

Marcos esplika, relasiona ho sira nain 9 la tuir ezame nee eskola hein hela, maibe la mosu depois la iha justifikasaun husi inan aman, iha inisiu ezame kedas too ezame lokal remata mos la iha neebe konsidera nain 9 nee i tau hanesan aujentes.

“Ami husu ba estudante sira labele kontente ho valor neebe ass, maibe dalan sei naruk tenke hakas aan estuda nafatin, espasu ba imi sei prepara imi nia aan nafatin para hakat ba faze tuir mai, liu liu ba universidade sira neebe mak imi atu esskola ba.” tenik Marcos.

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here