Camilo: Estudante Foun UNTL Sei Kansela

Dekanu Fakuldade Siensia Sosiais UNTL, Camilio Ximenes Almeida. (Foto: STL/Jacinta Sequeira)

DILI, STLNEWS.co – Dekanu Fakuldade Siensia Sosiais (FSC) Camilo Ximenes Almeida dehan, estudante foun Universidade Nasional Timor Lorosae (UNTL), tama halao prosesu aprendizajen iha fulan Abril sei kansela, tanba nivel universidade hanorin semester ida fulan neen (6).

Tuir nia katak, UNTL too agora fulan tolu ona ka tama ona fulan Marsu prosesu aprendizajen seidauk halao, sira horseik maka foin halao aprendizajen ba semester tuan, neebe sei rejistu hela deit lahatene problema infrenta saida.

Maibe ida nee kuandu dia 4 Marsu mak aplika EE ba dala 11, sira ohin enkontru atu deside estudante foun sira sei tama iha fulan Abril nia laran sei kansela, para sira labele tuir prosesu apredizajen.

Maske sira iha naran maibe agora dadauk bolu dehan sira mai hanesan adapta labele fo aulas, tanba ami laos robot neebe mai obriga ami para halo servisu extra balun, ami mos ema tenke kuidadu familia sira kuandu prosesu ida neebe mak lockdown, kada familia ida-ida nia tenke trata ninia familia, sira labele responsabilidade ema nia oan sira neebe mak iha.

“Ami husu ba governu liu-liu Ministru Ensinu Superior Siensia no Kultura (MESSK), karik estudante foun neebe sira mai tama iha fulan Abril, maske sira naran iha maibe ami sei lafo aula ba sira, ami fo aula ba semester tuan kezerke semester 3 too 7, no sira neebe maka finalista,” dehan Camilo ba STL iha nia knaar fatin Caicoli, Tersa (02/03/2021).

Tanba tuir Camilio katak, nivel universidade hanorin semester ida fulan neen (6), laos iha fali semester pendek ka panjang, universidade publika tenke tuir ida nee para estudante sira hetan kualidade.

“Ami agora dadaun reniaun ho faze liga universidade nian, liu-liu estrutura universidade, hau deklara nuudar dekanu no karik ida nee labele lao kezerke dia 4 tama ka 12 Abril, sei mai nia fiar katak parese sei kontinua too hanesan uluk, entaun diak liu semeter 1 nee sira hanesan estudante preparasaun ba tinan oin mak tama aula, maibe sira labele aulas agora,” nia dehan.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here