Covid-19 Aumenta, Aprendizajen Kontinua Paradu

DILI, STLNEWS.co – Edukasaun Munisipiu Viqueque ho saude, deside seidauk halao prosesu aprendizajen iha eskola, tanba numeru pozitivu Covid-19 aumenta. Tuir Diretor Edukasaun Munisipiu Viqueque, Emidio Amaral, afirma, agora dadaun atividades prosesu aprendizajen ba eskola sira iha Munisipiu Viqueque rasik seidauk bele halao, tanba numeru kazu Covid-19 iha Munisipiu Viqueque kada loron kontinua aumenta bebeik iha Munisipiu refere.

“Bainhira kazu Covid-19 numeru nee tun mak ita bele halao hikas i atividades iha eskola. Hau hanoin dadaun nee SS para ona iha Munisipiu Viqueque, maibe desizaun haree ba iha moras Covid-19 aumenta iha Munisipiu Viqueque, entaun Diretor Edukasaun Munisipiu Viqueque ho Diretor Saude foti desizaun, hodi hapara atividades eskola, bainhira ita haree ba situasaun nee normal mak ita foin bele halo prosesu aprendizajen iha eskola,” dehan Emidio ba STL, liu husi telefone, Segunda (17/05/2021).

Emidio dehan, nuudar Diretor Edukasaun Munisipiu Viqueque, husu ba professor no estudante sira hotu atu bele hakmatek iha uma, oinsa mak akompania nafatin kanal televizaun, hodi bele asesu eskola ba uma, liu-liu bele asesu ba iha materia neebe mak fo sai iha eskola online.

“Hau hanesan Direto Edukasaun Munisipiu Viqueque, hakarak husu ba hau nian professor no estudante sira, oinsa mak hakmatek iha uma, bele akompania deit eskola ba uma, tanba ita nian atividades prosesu aprendizajen ita seidauk bele halao, tanba ita nian numeru kazu pozitivu ba Covid-19 iha Munisipiu Viqueque dadaun nee hamutuk 72, nee tuir informasaun neebe mak husi Diretor Saude nian,” dehan nia.

Iha parte seluk, Diretor Eskola Sekundariu Jeral no 4 Setembru Balide, Sergio A.da Cruz, hatete prosesu aprendizajen seidauk lao, tanba sei kontinua aplika SS iha Munisipiu Dili, tanba ema hotu tenke kumpre regras neebe mak implementa ona*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: