Covid-19 Lisaun Ba Estudante Estuda Independente

Vise Reitor Instituto Superior Cristal, Jacinto Junior. (Foto: STL/Blandina Mauno)

DILI, STLNEWS.co – Relasiona ho pandemia Covid-19 sai preokupasaun iha mundu tomak inklui Timor Leste, fo lisaun ba estudante no professores sira estuda independente.

Tuir Vice Reitor ISC, Jacinto Junior, hatete, ba estudante sira situsaun ohin loron konese ho pandemia Covid-19 neebe infrenta globalmente, afeita mos ba TL, maibe espiritu nuudar matenek ba futuru iha nasaun ida nee nian no inklui individu ida, para oinsa atu dezenvolve nia an liu husi area edukasaun nafatin promove an, atu nunee buka esperensia sira neebe iha, karik iha tempu neebe defisil ita labele hasoru direita, maibe agora dadauk mundu nakloke tan modernu fo fasilidade hanesan internet nomos televizaun.

“Fo nafatin lisaun ba ita katak oinsa atu estuda independente ho situasaun agora dadauk pandemia Covid-19 nasaun infrenta. Ida nee bele hanorin mos estudante no professores sira, atu nunee estuda independente, para oinsa sira bele promove sira nia an no sira rasik hanoin,” dehan Jacinto ba STL liu husi telefone, Kinta (25/03/2021).

Nia hatutan, kontinuasaun katak traballu sira neebe durante fo, hodi lee fila fali no referensia sira neebe akapta ona durante tinan ida ka rua iha universidade, lee fila fali para nunee bele hetan kuinesementu ka profunda tan siensia neebe mak hetan antes, ho ida nee hanorin sira para atu bele estuda independente iha uma. Aumesmu tempu bele halo mos atividade seluk neebe pozitivu.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here