CSEP Durante Loron Haat fo Formasaun Ba Membru Sira Remata Ona

BAUCAU, STLNEWS.co – Civil Society Education Partnership (CSEP) durante loron haat fo formasaun ba membru sira husi munisipiu haat (4) hanesan Lautem, Viqueque, Manatuto, inklui Baucau ohin remata ona.

“Durante loron haat ami fasilita formasaun ba juventude marjinalizadu husi munisipiu haat inklui mos hanesan membru CSEP Asosiasaun Feto ba Dezenvolvimentu no mos funero, mak oinsa atu hakerek proposta, relatoriu no lideransa baziku no finansa baziku hotu oinsa hakerek ho diak” dehan Koordenador Nasional Civil Society Education Partnership (CSEP), Jose de Jesus ba STL iha salaun UFD planaltu wainhira remata formasaun ba partisipante sira Sesta nee (09/07/2021).

Nia hatutan, ba futuru kontinua nafatin fo apoiu ba membru CSEP, NGO no mos representante forum juventude marjinalizadu, maibe antes atu fo apoiu iha futuru tenke prepara uluk sira nia kapasidade oinsa mak atu jere ba apoiu neebe mak CSEP sei apoiu iha futuru, nunee iha tinan nee CSEP koko hasae sira nia kapasidade iha jestaun organizasaun no mos jestaun finansa atu bele sustenta ho diak.

Nia hateten, tuir planu CSEP sei remata formasaun ho tipu hakerek relatoriu baziku, proposta, finansas, lideransa ba membru sira no tinan oin sei oferese tan formasaun tipu seluk.

Koordenador Nasional CSEP nee husu ba partisipante sira, uza abilidade eskil (skill) neebe mak hetan husi formasaun nee aplika iha movimentu advokasia ho diak nunee kontinua hetan apoiu husi CSEP.

Formasaun neebe CSEP realiza iha Baucau hetan apoiu fundu husi organizasaun Internasional Education Out Loud Washington.

Hola parte iha formasaun nee nain rua nulu resin rua (22), kompostu husi munisipiu Manatuto, Viqueque, Lautem, inklui Baucau.

Iha fatin hanesan partisipante formasaun, Koordenadora FJH Baucau, Angela do Rozario Marshal Soares hateten, sente kontente, tanba liu husi formasaun nee bele hasae sira nia kapasidade iha area lideransa, jestaun finansa, no hakerek proposta.

“Hau kontente tebes iha formasaun nee, bele hasae ona ami nia konesimentu iha area lideransa nian, jestaun finansas, no mos hanesan hakerek proposta” katak Angela*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: