Defisiensia Matan 39 Tuir Formasaun Letra Braille

DILI, STLNEWS.co – Membru husi Assosiasaun Halibur Defisiensia Matan Timor Leste (AHDMTL) hamutuk nain 39 mai husi munisipiu 11 tuir formasaun kona ba letra braille.

Lia hirak nee hatoo husi Diretor AHDMTL, Gaspar Afonso ba STL iha nia knar Fatin Manleuana Dili, Kinta (08/07/2021).

“Ita lori sira kada munisipiu, iha nee so munisipiu 2 deit mak seidauk iha, restante nee sira reprezenta husi munisipiu sira iha hotu kedas, sira hamutuk feto 15 mane 24, total sira hamutuk 39 pessoas, treinador iha nain 9,” tenik nia.

Nia dehan, objetivu lori sira mai tanba ema defisiensia matan iha foho hetan diskriminadu, tanba nee mak lori sira mai, atu nunee sira bele kore sira nia an husi pobreza de edukasaun, tanba oras nee dadaun ema ho defisiensia matan, susar tebes atu asesu ba edukasaun, i balu dalaruma iha eskola laran maibe hetan diskriminasaun.

“Tanba nee mak ohin ita halibur sira hodi fo formasaun, no mos formasaun nee lao tinan tinan tanba ema ho defisiensia sira aprende hotu, kuandu sira hatene lee, hatene ona, ita servisu hamutuk ho Ministeriu Edukasaun ho sira nia diresaun ida naran ensinu rekorente entaun ema sira nee ba eskola formal fali,” katak nia.

Nia hatete, nee bolu ezame ekuivalensia, hanesan atu tama ba ensinu rekorente nee, kuandu simu valor nee diak, sira liu ba faze 2, 3, 4, remata faze 5 nee level ho pre-sekundaria, sira remata sira tenke ba faze 6 hanesan SMA nian se kuandu sira remata ona, parte relevante enkamina sira ba Universidade Nasional Timor Leste (UNTL), ida nee mak sira nafatin aprende.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: