Defisientes Nain 20 Rejistu Iha Ahisaun

DILI, STLNEWS.co – Maske defisientes nain 20 husi fundasaun Ahisaun rejistu ona tuir formasaun komputador, maibe ho situasaun Covid-19, nain 5 fila ba munisipiu, no nain 15 kontinua tuir formasaun.

Tuir Diretor Ahisaun, Domingos Tallo dos Santos hatete, hanesan fundasaun ida nee, ninia servisu neebe mak halo iha situasaun Covid-19 nian laran, tanba haree ba ho situasaun Covid-19, maluk defisiente sira mos balun labele tuir formasaun komputador, maibe sira neebe dadaun nee tuir, nee sira neebe hela iha laran mak tuir, ema neebe rejistu atu tuir formasaun komputador nee nain 20, maibe nain 5 sei iha minisipiu no nain 15 sei iha nee, tanba ho Covid-19, nee sira mos atu mai sente tauk.

“Ho ida nee ita nian maluk sira neebe mak tuir formasaun nee, sira neebe hela iha laran deit, tanba ho situasaun Covid-19, ita nian formasaun nee ita halao durante nee halo pakote rua, tanba pakote ida ita tau ema nain 10, durasaun tempu ba formasaun nee fulan 6, programa word to’o excel, maibe ho situasaun Covid-19 ida nee, agora ita bele dehan, sei foin to’o iha programa excel, ita nian maluk defisiente sira nee hahu rejistu iha fulan Janeiru mai to’o fulan Fevereiru, ita nian formasaun kada loron lao diak tebes, loron ida maximal hanorin ita nian maluk sira oras 3 nian laran, tama iha tuku 9 no sai iha tuku 12, no balun tama tuku 2, sai tuku 5,” dehan Diretor Ahisaun, Domingos Tallo dos Santos, iha nia knaar fatin, Kuarta (25/08/2021).

Iha parte seluk, Diretor Ezekutivu ADTL, Cesario da Silva dehan, durante ema defisiensia sira sempre esforsu aan nafatin, oinsa sira bele asesu ba edukasaun formal nomos non formal, dala ruma organizasaun neebe haree ba ema ho defisiente sira nafatin kapasita maluk defisiensia sira.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...