Diresaun Edukativa Sosializa Programa Eskola Ba Uma

BAUCAU, STLNEWS.co Diresaun Nasional Media Edukativa halo sosializasaun programa eskola ba uma, ba diretores eskola ensinu baziku sira iha Munisipiu Baucau.

Lia hirak nee hato’o husi Diretora Jeral Politika Planu Inkluzaun Impresaun husi Ministeriu Edukasaun, Juventude, no Desportu (MEJD), Odilia Martins ba jornalista iha salaun Servisu Edukasaun Baucau, Kuarta nee (15/09/2021).

“Ohin iha Munisipiu Baucau halo sosializasaun konaba prosesu aprendizajen distansia ou prosesu online,” dehan Odilia.

Nia hatutan, surtu pandemia Covid-19 fo impaktu ba prosesu aprendizajen, hodi governu implika Serka Sanitaria (SS) iha Munisipiu Baucau.

Nunee, governu iha planu hodi kria mekanismu nee, atu responde ba situasaun neebe mak dadaun estudante sira hasoru, tanba nee MEJD kria prosesu aprendizajen nafatin akompana durante estudante sira iha deit uma.

“Ida nee mos prosesu ida neebe ami hanoin katak, atu halao mos ba profesores sira,” tenik nia.

Odilia esplika, programa eskola ba uma mos programa ida ba profesores sira, tanba profesores sira mak akompana prosesu aprendizajen virtual ida nee.

Nunee profesores sira tenke apar ho mekanismu oinsa atu asesu ba prosesu aprendizajen, nomos bele fahe ba profesores neebe mak la partisipa iha sosializasaun nee, tanba iha ona materia ba estudante sira  barak mak upload ona iha youtube, nunee mos ba televisaun no radio.

Iha fatin hanesan, Diretor Servisu Edukasaun Munisipiu Baucau, Augusto Ornai Ximenes hatete, programa eskola ba uma antes nee lao tiha ona iha tinan 2020, maibe liu husi avaliasaun neebe mak profesores sira halo iha baze, nia porsentu kiik tebes estudante sira asesu eskola ba uma.

“Iha difikuldade barak, maioria estudante laiha telefone, laiha televisaun no radio,” katak Augusto.

Nia hatutan, dala ruma mos estudante sira balun iha radio no televisaun, maibe difikuldade ba rede neebe mak kontinua fo impaktu, labele asesu eskola liu husi radio no televisaun.

Partisipa iha sosializasaun eskola ba uma nee, profesores, diretor eskola no kordenador eskola total hamutuk 101.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: