Estudante 55.072 Tuir Ezame Nasional

ENTREGA- Ministeriu Edukasaun Juventude no Desportu (MEJD) Dr. Armindo Maia akompania husi Vise Ministru Edukasaun Juventude no Desportu, Dr. Antonio Guterres, simu direitamente materia Ezame Nasional hosi Diretor Kompania Sylvia Dili, Victor Gogo iha Salaun Konferensia MEJD Vila Verde, Dili, Sesta (13/11/2020). (Foto: STL/Mikael Mali Mau)

DILI, STLNEWS.co — Estudantes finalista hamutuk 55.072, mai husi ensinu báziku nain 30.359, ensinu sekundária jerál 20.145, siénsia teknolojia 10.365, siénsia sosiál no umanidade 9.780, ohin, (16/11/2020) hahu tuir Izame Nasional.

Ministru Edukasaun Juventude no Desportu, Armindo Maia dehan, estudante finalista neebe atu tuir ezame nasional tinan ne’e hamutuk 55.072, husi ensinu sekundária tékniku vokasionál hamutuk 4.568, kompostu husi área tékniku 1.462, ekonomia komérsiu 1.501, otelária komérsiu 568, agrikultura no peska hamutuk 1.037.

“Estudante finalista 55.072 ne’e, rejista mai husi eskola 444, eskola ensinu báziku 292, ensinu sekundária Jerál 96 no ensinu sekundáriu tékniku vokasionál 56. Disiplina husi pontu ezame nasionál ba ensinu báziku terseiru siklu kompostu husi lian inglés, portugés, matemátika, siénsia fiziku naturál, istória no jeografia,” dehan MEJD Armindo Maia hafoin akompana husi Vise Ministru Edukasaun Juventude no Desportu, Dr. Antonio Guterres, simu simu direitamente materia Ezame Nasional husi Diretor Kompania Sylvia Dili, Victor Gogo iha Sala Konferensia MEJD Vila Verde, Dili, Sesta (13/11/2020).

Governu liu husi Ministeriu Edukasaun Juventude no Desportu kontratu ho Kompañia Sylvia Dili hodi imprime pontus ezame nasionál no diploma estudante finalista, tanba MEJD halo konkursu publiku no ikus mai Kompania Sylvia mak manan projetu ho valor orsamentu $385.109.

Depois simu materia Ezame Nasional husi Kompania Sylvia Dili, iha loron Sesta nee kedas MEJD distribui matéria ezame nasionál ba munisípiu 12 inklui Rejiaun Administrativa Espesiál Oe-Cusse Ambeno (RAEOA) hodi hala’o ezame nasionál ne’ebé tuir orariu sei halao iha loron Segunda (16/11/2020) to’o loron Kuarta (18/11/2020).

Materia izame nasional ba Ensinu Sekundária Jerál maka siénsia teknolojia, portugés, inglés, matemátika, fizika, biolojia, kimika, siénsia sosiál umanidades maka portuges, inglés, ekonomia, metodu kuantitativus, istória, jeografia no sosiolojia.

Ensinu sekundáriu tékniku vokasionál nian maka portugés, inglés, matemátika, fizika, kímika, ekonomia. Eskola ekonomia no komérsiu nian mak português, inglés, matemátika, ekonomia métodus kuantitativu no ekonomia sosiolojia. Nune’e mós eskola otelaria no turizmu nian mak hanesan portugués, inglés, matemátika, ekonomia métodus kuantitativu, jeografia, sosiolojia, kimika, ekonomia, istória, eskola agrikultura no peska maka portugués, inglés, matemátika no biolojia.

Iha seremonia entrega materia ezame nasional ne’e partisipa mos diretor servisu edukasaun munisipiu sira. Ministru Edukasaun Juventude no Desportu, Armindo Maia ofisialmente entrega materia ezame nasionál hirak ne’e ba kada diretór servisu edukasaun munisípiu sira ne’ebé hetan akompañamentu husi Polisia Nasionál Timor-Leste (PNTL).

Ministru Edukasaun Juventude no Desportu, garante katak materia ezame nasional nebee distribui ba munisípiu 12 inklui RAEOA hetan akompanamentu husi PNTL. Tanba ne’e, nia husu ba diretor servisu edukasaun munisipiu sira atu akompania ho responsabilidade hodi garante no asegura konfedensialidade ba matéria ezame nasionál atu labele espalla iha públiku.

“Hau husu ba ita hotu atu halao servisu ho responsabilidade hodi garante ezame nasional ne’e halao ho susesu,” katak Armindo Maia.

Ministru Edukasaun Juventude no Desportu, Armindo Maia informa katak iha loron premeiru halao ezame nasional, nia sei halo abertura iha eskola Ensinu Sekundáriu Jerál Sagradu Kurasaun de Jesus Becora Dili no Ensinu Sekundária Jerál Nino Konis Santana Gleno Munisípiu Ermera.

“Iha Segunda dader tuku 08:00, ha’u sei halo abertura iha eskola ensinu sekundária Jerál Sagradu Kurasaun de Jesus Becora, no ha’u nia vise sei ba eskola Ensino Sekundária Jerál Nino Konis Santana Gleno Ermera,” dehan Armindo Maia.

Entretantu husi Munisipiu Baucau estudantes hamutuk rihun lima atus rua hitu nulu resin tolu (5.273) sei tuir Ezame Nasional, Segunda feira.

Diretor Servisu Ministeriu Edukasau juvetude e Desporto Baucau, Felix Ximenes total estudantes finalista husi Munisipiu Baucau hamutuk 5.273. Husi numeru nee trez Mill cento diza oitu kandidatus husi ensinu baziku, Mill oito centos quarenta nove, husi ensinu sekundaria jeral, no trezentos e seis kandidatus husi tekniko ensinu vokasional.

Nunee mos nota klasifikasaun numeru 1.479 kompostu husi mane, nunee mos 1.640 kompostu husi feto, kandidatus.

Nunee mos husi ensinu baziku no ensinu sekundaria jeral iha 8.58 Atus ualu lima nulu resin Ualu kompostu husi mane, nunee husi numeru 992 atus sia sia nulu resin ida kompostu husi feto, nunee mos husi ensinu tekniku vokasional iha numeru atus ida neen nulu resin nee 166 kandidatus kompostu husi mane, 140 kompostu husi feto.

Diretor Edukasaun nee hatutan husi numeru 5.273 kandidatus mak sei tuir Ezame nasional iha segunda feira 16 fulan Novembru tinan 2020. No husi Estudante hirak nee sei tuir 24 sentru realizadora ba ensinu baziku no 13 sentru realizador ba ensinu Sekundario jeral no 6 Centru realizador ensinu tekniko vokasional. “Ba vizilansia Nasional ami orienta sentru realizador sira atu silan ou vizilansia atu bele garante Ezame nee lao ho seguru,” dehan Diretor.

Nia husu ba estudante sira atu kuidadu aan didiak nunee iha segunda feira tuir orariu neebe ministeriu edukasaun fo sai ona husi kurikulum nasional.

Nia mos hatoo mensajen ba professor no Professora sira atu Assume idak idak nia dever no responsablidade nunee kontinua garante konfidensialidade no Integridade ba prosesu Ezame nasional nia.

Iha biban nee Diretor mos hatutan distribuisaun ba materia nasional nia ba iha posto Administrativu Baguia, Quelekai no Laga, Venilale no vemase ohin tula ona iha posto Administrativu Baucau Vila nia, balun mak tula ona ba Escola sira no balun lokraik Tuku rua Sabado mak sei halo distribuisaun.

Iha fatin hanesan Superintendente Da edukasaun Baucau Celestino simoes hatutan relasiona ho Escola Sekundario Taur Matan Ruak sira nia dadus tama tarde tanba nee sira nia parte sei hakruuk ba Ensinu Superior. “Sira iha 30 pesoas neebe mak efetivu no registradu atu tuir Ezame karik sira nia naran aprova ona entau sira nain 30 sei aumenta ba 5.273,” hatete Celestino.

Nia mos iha esperansa katak estudante sira sei Ezame diak liu tan, nia mos husu ba Manorin sira serbisu ho rigor tanba Ezame nasional nee atu avalia dezempenha manorin sira nia durante Tinan ida nia laran.*

Reportajen: Mikael Mali Mau/Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here