DIT Reativa Hikas Aula Online

DILI, STLNEWS.co – Governu suspende atividade aula prezensial iha Munisipiu Dili, Dili Institute Of Techonology (DIT), reativa hikas aula online, atu nunee estudante labele lakon materia iha tempu konfinamentu obrigatoriu.

Nia dehan, governu liu husi reuniaun deside implementa konfinamentu obrigatoriu, Ministru Ensinu Superior Siensia no Kultura (MESSK), Longuinhos dos Santos hasai despasu hodi suspende aprendizajen aula prezensial. Tanba nee DIT halao fali atividade aula online.

“Husu ami universidade hotu-hotu halao atividade eskola  aula online, entaun  iha loron Sesta nee kedas DIT hahu aula online,” dehan Reitor DIT, Alvaro Menezes Amaral, liu husi telefone, Domingo nee (29/08/2021).

Nia haktuir, iha aula online konserteza estudante balun tuir balun latuir, tanba laiha  telefone android, laiha pulsa, ida nee maka hasoru defikuldade, maibe estudante sira iha hotu Dili oituan deit, sekuandu iha Munisipiu Dili hotu-hotu tuir aula online.

Maske estudante balun tuir no balun latuir aula online, maibe ida nee maka mekanismu atu uza wainhira lakonsege aula prezensial.

“Ita husu tebe-tebes governu kuandu deside KO prepara didiak kondisaun, labele deside KO, maibe laiha preparasaun oinsa maka atu apoiu ba iha pulsa ba estudante no fo subsidiu ba universidade sira, se lae estraga buat barak,” dehan Alvaro.

KO dehan katak ema hotu hakmatek iha uma, oinsa governu deside KO, maibe  kontinua mos apoiu kedas ruma, laos deside deit maka KO nee lae.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: