DPCM Nain 23 Husi UNTL Halao Estajiu Profesional

BAUCAU, STLNEWS.co – Estudante Departementu Peskas no Siensia Marina (DPCM-sigla portugues) fakuldade agrikultura  husi Universidade Nasional Timor Lorosa’e (UNTL) hamutuk nain rua nulu resin tolu (23) hahu estajiu profesional konaba dignifika ro no mangrove iha Hera.

Lia hirak nee hato’o husi Reprejentante estudante departementu peskas no siensia marina (DPCM- sigla portugues) Cesario Edi Correia ba STL liu husi whatsapp, Domingo nee (29/08/2021)

Nia hateten, estagiu profesional nee  hanesan aktividade ida atu rekolla dadus bainhira liu, mak sei halo peskiza profesional, tanba liu husi dala nee mak bele haforsa sira atu kontinua ba halo peskiza professional hodi hakerek teze ba ikus nian.

“Sekarik ida nee mak laliu, sei hein tinan oin fali mak tuir fali agora daudaun ami halo nee,”dehan Estudante Cesario.

Nia esplika, liu husi estagiu profesional nee, servisu kampo ho topiku neebe lahanesan, balun halai liu ba lixu neebe fo impaktu ba biodiversidade tasi nian, no mos balun halai liu ba oinsa metodu hakiak budutasi ho diak, iha balun fali halai liu ba solidolu no likudu ba rekursu peskeiru.

Nia hatutan, iha seluk mos halai liu ba metodu konstrusaun kolam ikan tradisional ho diak tantu intensivu no semi intensivu.

Nia haktuir, realiza aktividade iha estagiu nee, laos husi inisiativa deit, maibe aktividade nee hetan orientasaun husi parte universidade, tanba estudante neebe mak atu remata kursu iha universitariu mak sei halao estagiu profesional iha terenu.

Iha fatin hanesan Estagiadu Elejario Soares Filipe mos hateten, estagiu kampo neebe mak daudaun realiza iha suku hera nee importante tebes, tanba husi estagiu nee mos hanesan oportunidade ida neebe mak atu aplika siensia sira neebe mak durante nee aprende husi prosesu aprendisajem iha akademiku liu husi estagiu nee atu aplika iha komunidade sira nia le’et.

“Tanba nee mak hau hakarak hateten,ida nee importante ba ami, tanba bazeia ba kurikulum neebe mak iha katak teoria neebe mak ami iha 25% no pratika 75%,”nia tenik.

Nia hatutan, liu husi estagiu profesional nee mos atu aprende hamutuk mos ho komunidade sira iha baze, nunee mos fahe informasaun ba komunidade sira atu nunee desenvolve diak liu tan siensia neebe mak hetan husi universitariu.*

Reportajen: MJ-1

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: