EBC 30 Ciclo São Jose Operario, Remata Simu Estudante Foun

Diretor Eskola EBC 30 Ciclo São Jose Operario, Anacleto da Costa. (Foto: STL/Joaninha Belo)

DILI, STLNEWS.co – Ensinu Baziku 30 Ciclo São Jose Operario Balide remata simu estudante foun, tanba tuir sikular neebe Ministriu Edukasaun, Juventude, no Desportu fo sai.

Diretor Eskola EBC 30 Ciclo São Jose Operario, Anacleto da Costa hatete, ba anu letivu tinan 2021 ninian, matrikula hahu iha loron 17 no remata ohin, tuir sirkular neebe Ministriu Edukasaun, Juventude, no Desportu.

“Ami iha nee implementa tuir, sirkular neebe maka MEJD fo mai, neebe matrikula komesa iha loron 17 remata iha loron 23 Dezembru ohin ami taka simu estudante foun,” dehan Diretor Eskola EBC 30 Ciclo São Jose Operario, Anacleto.

Nia haktuir, kriteria sira neebe ensinu basiku segundu siklu maka modernidar eskolar, identidade hanesan sertidaun batismu, kadernizar eskolar tenke kompletu, numeru emis estudante.

Anacleto esplika, simu estudante foun tuir eskola nia kapasidade katak espasu fatin, foin dadauk finaliza remata ona hamutuk 194 estudante, ami simu fali pur volta ida nee 200 kanditatus neebe ami simu.

“Tinan foun tama komesa aulas lao ona, tanba simu estudante liga ba fatin, tanba fatin mos pas-pas,” dehan Anacleto.

Reportajen: Joaninha Belo/Blandina Mauno
Editor: Ekipa STL

LEAVE A REPLY

Please enter your comment!
Please enter your name here