EBF 2 Iha Viqueque Hetan Estragus

DILI, STLNEWS.co – Akontese udan ho anin boot iha munisipiu Viqueque iha eskola rua maka hetan estragus, maibe Ministru Edukasaun, Juventude, no Desportu (MEJD) fo ona atendimentu hanesan kalen, ai no pregu.

Diretor Edukasaun munisipiu Viqueque, Emidio Amaral hatete, akontese anin boot mosu iha Viqueque iha eskola rua maka hetan estragus, maibe MEJD fo ona atendimentu hanesan kalen, ai, no pregu atu nunee rehabilita fali eskola hanesan baibain.

“Total eskola EBF neebe maka hetan estragus husi anin boot hamutuk 2, iha munisipiu Viqueque,” hatete Diretor Edukasaun munisipiu Viqueque, Emidio Amaral ba STL iha Infordepe, Segunda (08/03/2021).

Nia hatutan, kondisaun eskola iha munisipiu lao diak maske mosu Covid-19 neebe iha Timor laran tomak, maibe iha Viqueque enjeral eskola hotu-hotu tuir orden husi ministeriu Saude (MS) no MEJD katak estudante hotu-hotu uza maskra fase liman ho sabaun.

Aleinde nee mos meja ho kadeira normalmente agora baibabin ita hanesan tinan-tinan ministeriu fo, maibe tinan agora seidauk tanba ita haree orsamentu maibe meja kadeira sufisiente ba sira atu bele tuir prosesu aprendizajen.*

Reportajen: Blandina Mauno/Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here