EBF Casnafar Afeta Inundasaun Ho Kondisaun Grave

DILI, STLNEWS.co – Relasiona ho inundasaun neebe akontese iha loron 03 Fulan Abril tinan nee, afeta tebes ba Eskola Ensinu Baziku Filial (EBF) Casnafar neebe ho kondisaun grave tebes.

Tuir Koordenador da Eskola EBF Casnafar Alorico Antonio da Freitas hatete, foin dadaun iha dia 3 de Abril tinan nee, akontese udan boot hodi halo inundasaun neebe afeta mos ba eskola Casnafar grave tebes.

“Ami mos hela iha altura neeba, labele sai tanba iha kondisaun risku, ho ida nee hameno ba kolega balun besik area eskola para atu bele haree maibe lasalva buat ida hanesan dokumentus no seluk tan. Ami so rekomenda deit para atu normaliza situasaun nee, tenki halo ponte iha parte kraik, para bee mai labele nalihun iha nee, sei hanesan nee tinan-tinan sempre afeta beibeik,” dehan Koordenador EBF Casnafar Alorico Antonio ba jornalista iha Casnafar, Manleuana Sabado (17/04/2021).

Nia hatutan, lamentasaun laos foin agora maibe desde tinan 2017 too agora sai grave liu tan, neebe ohin mos rekomenda ba MEJD para atu haree no tau matan, atu kria diak ponte tenki halo para bee labele nalihun selae afeta tanba nia volume boot, iha kraik nee volume kiik sempre afeta too eskola.

“Tanba nee ami hakarak proteje maibe natureza lahein, ida nee mak ami nia lamentasaun, tanba nee eskola EBF iha sala aula hamutuk 5 inklui sala rejidensia tau dokumentus no livru mak hetan estragus hotu,” nia relata.

Total estudante iha EBF Casnafar hamutuk 154 no profesores permanente nain 4 no volumtariu nain 3, maibe sebele karik fo netik prioridade ba sira.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: