EBF Fatumeta Simu Estudante Foun Nain 175

Koordenador EBF Fatumeta, Flavio da Costa de J. Dos Santos. (Foto: STL/Blandina Mauno)

DILI, STLNEWS.co – Eskola Ensinu Baziku Filial (EBF)1 no 2 siklu Fatumeta, simu estudante foun hamutuk nain 175.

Hatete Koordenador EBF Fatumeta, Flavio da Costa de J. Dos Santos ba STL, iha nia knaar fatin Surikmas, Dili, Kinta (28/01/2021).

“Tinan 2021 sae makas tebes, ami simu alunus hamutuk nain 175 pesoas, maibe iha tinan kotuk simu estudante foun hamutuk 138 pesoas, fahe ba sala 3 kuaze sala ida hetan 40 resin,” hatete Flavio.

Nia hatutan, tanba eskola atu lasimu maibe inan aman sira dehan katak, sira hela besik area ida nee no eskola simu iha tinan nee total hamutuk 175 alunus fahe ba sala 3, kada sala 60 resin.

Hatan ba kestaun nee Diretor Jeral Pre-Eskolar Ensinu Ensinu Baziku no Ensinu de Rekorente, Apolinario Serpa Rosa hatete, anu lektivu 2021 ita halo inskrisaun iha tempu ida neebe difisil liu-liu iha pandemia Covid-19.

“Ita nia eskola sira sei halo inskrisaun nafatin too dia 23 janeiru, maibe ita mos sei fo nafatin oportunidade eskola neebe sei halo inskrisaun ba estudante foun liu-liu ensinu baziku tanba ita lahatene katak ensinu baziku nee universal obrigatoriu no gratuitu, ita nia oan sira neebe idade tinan 6 ba leten iha obrigatoriumente tenke asesu edukasaun bazika. Tanba nee mak ita sei fo tempu nafatin, ba fatin balun neebe mak seidauk halo inskrisaun.” dehan nia.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here