EBF No 5 Comoro Preokupa Materia

Eskola Ensinu Baziku Filial 10 20 siklu no 5 Comoro, preokupa estudante sira, tanba prosesu aprendizajen oras limitadu, estudante ladun aproveita materia neebe professor fo. (Photo: STL News/Blandina Mauno

DILI, STLNEWS.co – Eskola Ensinu Baziku Filial (EBF) 10, 20 siklu, no 5 Comoro, preokupa materia estudante sira. Aprendizajen mos oras limitadu, estudante sira ladun aproveita materia neebe professor sira hanorin.

Maske hasoru situasaun nee, prosesu aprendizajen iha sira nia eskola lao normal. Estudante hot-hotu kumpri regras kontra pandemia Covid-19 neebe fo sai husi Ministeriu Saude. Tuir Regras neebe iha, estudante kada sala tenki fahe ba rua. Tuir Aprendizajen mos, troka loron deit.

“Ami nia preokupasaun ezemplu hanesan estudante tuir materia aprendizajen lakompletu tanba oras neebe iha ami fahe, neebe horariu nafatin maibe oras nee hanesan primeiru anu tama iha tuku 8:00 too 11:00 oras, entaun estudante sira ladun hetan aproveita neebe diak, ho tempu neebe limitadu,” hatete Koordenador EBF no 5 Comoro Fernando Barreto,iha nia knar fatin, Comoro, Kuarta (26/08/2020).

Tuir nia, maneira atu kompleta materia neebe iha difisil, tanba loron ema hotu hatene katak, semana ida loron neen deit, ho nunee estudante semana ida tama aula dala tolu, atu buka meius mos susar oituan.

Materia kompletu maibe mestre sira hanorin tuir estudante nia kapasidade, laos husi eskola mak lahalo kompletu materia ka la tuir oras neebe iha, maibe orientasaun husi governu tanba relasiona ho Covid-19.

Total estudante EBF No. 5 Comor agora hamutuk 2250 pesoas, no professores hamutuk 54 inklui administrasaun ho guarda eskola, kada aula maximu 60 no minimu 50 ba leten.

Alende nee mos fasilidade prevene covid 19, eskola sufisiente tanba sira esforsu ho sentru para haree rekezitus neebe seidauk iha bele kompleta, liu husi orsamentu Ministeriu relevante fo, no ba estudante sira neebe mai lauza maskra, profesores avizu ona para mai eskola tenke uza maskra.

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here