Edukador Tenke Pasiensia Motiva Estudantes

DILI, STLNEWS.co – Professores hanesan ema neebe edukador tenke iha pasiensia, atu eduka estudate iha eskola, liu-liu fo motivasaun no moral neebe diak, tanba estudante sira mai ho karakter neebe la hanesan.

Tuir Adjuntu Diretor EBC Nobel da Paz, Francisco Fernandes katak, nudar edukador presiza iha hanoin neebe mak diak, liu-liu atu eduka estudante sira, tanba sira mak futuru rai nee nian, oinsa mak atu bele prepara sira ho diak, liu husi maneira hanorin kada professor sira iha disiplina ida-idak nian.

“Hau hanoin ita hanesan ema edukador, ita tenke pasiensia oinsa mak fo moral no motivasaun ba ita nian estudantes neebe mak mai ho karakter la hanesan no sira nian karakter neebe diferente, entaun professor nee hanesan doutor atu nunee bele halo buat neebe mak labele aplika iha ambiente eskola, atu nunee lori sira ba iha ambiente neebe mak foun no diak, ho nunee ida nee mak ambiente neebe mak diak ba sira, tanba estudantes barak mai iha eskola, sira nian karakter la hanesan, maibe professor sira oinsa mak uza maneira oinsa, atu nunee labele hamate karakter estudante sira nian,” dehan Francisco ba STL, liu husi telefone, Sesta (21/05/2021).

Nia dehan, presiza muda karakter estudante sira nian, neebe mak ho brutalizmu, atu nunee lori estudantes ba iha dalan neebe mak diak, tanba nee edukador tenke pasiensia, hodi fahe siensia ba estudante sira, tanba sai edukador, atu bele prepara diak jerasaun foun sira uza maneira oinsa para bele muda karakter estudantes ida-idak nian.

Iha fatin seluk, Diretor ESJ no 4 Setembru Balide, Sergio A.da Cruz, afirma, hatoo mensajen no husu ba edukadores sira hotu, atu eduka estudante sira ho fuan tuir matenek neebe mak iha, tanba estudante sira nee hanesan oan no sira mak jerasaun foun ba rai ida nee, tanba nee labele uza violensia hasoru estudante sira.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: