Edukasaun Inkluzivu Sei Vizita Eskola 6

DILI, STLNEWS.co – Xefe Edukasaun Inkluzivu, Jose da Silva Monteiro hatete, sira iha planu sei vizita eskola defisiente iha munisipiu neen (6) mak hanesan, Lospalos, Viqueque, Manufahi, Covalima, Bobonaro no RAEOA.

Nia dehan, atu lao ona maibe derrepente governu implementa Konfinamentu Obrigatoriu (KO), entaun sei prepara hela, bainhira remata KO hafoin ba.

“Ami sei desloka ba munisipiu sira neebe verifikasaun atu hatene lolos estudante sira nia kondisaun eskola no prosesu aprendizajen oinsa, saida mak sira presiza,” hatete Xefe Edukasaun Inkluzivu, Jose ba STL iha knaar fatin Ministeriu Edukasaun, Juventude, no Desportu (MEJD) Vila Verde, Dili, Tersa (31/08/2021).

Nia sublina, iha Dili implementa KO, maibe iha munisipiu sira eskola lao hela, depois loron 2 fulan Setembru KO remata, ami sei desloka ba munisipiu sira, tanba antes planu ona.

Tuir planu nee ba munisipiu nee (6) mak hanesan, Munisipiu Lospalos, Viqueque, Manufahi, Covalima, Bobonaro ho RAEOA Oecusse, tanba munisipiu lima ho rejiaun Oecusse nee fatin ida neebe dook tebes, dala ruma estudante sira la asesu informasaun, entaun ida nee ami tau prioridade ida nee hotu, sei ba munisipiu seluk.

Nia dehan, vizita ba eskola munisipiu objetivu prinsipal mak bazeia ba dadus nee, agora dadaun sira iha hamutuk rihun haat atus haat lima nulu resin haat (1.454), espalla ona iha teritoriu laran tomak, entaun ami sei haree ba munisipiu neebe dook.

Eskola sira nee ami identifika lista iha ona, objetivu ba nee estudante nain hira mak iha neeba, depois tipu defisiensia la hanesan, balun defisiensia matan, defisiensia tilun, defisiensia ain, balun ita haree lima ain diak, maibe intelektual ninia konektivu nee ladun ho sira seluk.

Tanba Covid-19, halo tun sae hanesan kesi metin (borgol) fali ita para iha fatin deit, ami ba uluk eskola lima lai, maibe labarik sira neebe asesu iha neeba nee liu ida nee, eskola iha teritoriu laran tomak total atus haat haat nulu resin walu, defisiensia asesu ona ba edukasaun.

Jose dehan, munisipiu ida haree eskola lima uluk lai, tanba haree ba eskola neebe mak defisiensia barak liu, entaun husi barak tun mai oituan, neebe foti kada munisipiu foti uluk eskola lima neebe munisipiu neen total hamutuk tolu nulu (30) eskola nee mak atende uluk.*

Reportajen: Joaninha Belo/Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: