Edukasaun Xave Ba Dezenvolvimentu

DILI, STLNEWS. co – Edukasaun sai hanesan xave ba dezenvolvimentu iha rai laran,  tanba nee Pre-Eskolar Santa Bernadette Ai-Mutin, graduasaun tan estudante pre eskolar hamutuk nain 75 hodi hakat ba nivel primaria.

“Edukasaun sai hanesan xave ba dezenvolvimentu iha rai laran, tan nee inan – aman sira tenke prepera oan sira nia futuru, no hahu husi pre-eskolar maka bele ba too iha universdade, no la fasil ba manorin sira neebe eduka ona ita nia oan sira durante tinan rua, balun tinan tolu nia laran, hodi oan sira bele hatene hakerek no lee,” kestaun nee fo sai husi reprezentante inan – aman, Julmiro Pinto ba STL, Sabadu (04/12/2021) iha Pre-eskolar Santa Bernadette Ai-Mutin.

Nia afirma liu tan katak, haree ba kondisaun infraestrutura eskola nia la merese ba oan sira atu aprende iha fatin ida nee, maibe liu husi esforsu husi madre no manorin sira maka oan sira marka tan jornada foun ba sira nia moris hodi hakat ba nivel primaria.

Iha fatin hanesan, Diretora Pre-Eskolar Santa Bernadete Aimutin, Madre Seravia PRR hatutan, total estudante neebe eskola iha pre-eskolar Santa Bernadette hamutuk 127.

“Hau nia mensajen ba estudante nain 75 neebe maka ohin gradua ona nee, atu nafatin estuda tanba sira maka futuru ba nasaun nee nian, no hahu ohin ba oin, sira hakat ona ba bangku SD, kaer metin dedikasaun neebe sira hetan ona iha eskola ida nee,” dehan nia.

(mad)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...