Ema Ho Defisiente Aula Online

DILI, STLNEWS.co – Governu deside Konfinamentu Obrigatoriu (KO) iha Munisipiu Dili, atividade eskola suspende, ho ida nee ema ho defisiente aula liu husi online deit.

Tuir Xefe Edukasaun Enkluzivu, Jose Monteriro, hatete, durante nee nia komunika diretur eskola sira, eskola online iha uma lao diak hela, tanba estudante sira iha Dili, rezumu materia neebe distribui ba estudante bele asesu, maibe agora dadaun governu implementa KO suspende atividade eskola semana ida ka rua nia laran.

“Ami nia professores sira tenke eskola aula liu husi online, balun rezumu materia ba sira atu nunee bele estuda, maibe ba estudante neebe telefone laiha pasiensia labele asesu,” dehan nia  ba STL iha edifisiu Ministeriu Edukasaun, Juventude, no Desportu (MEJD) Vila Verde, Tersa nee (31/08/2021).

Nia dehan, iha Dili laran nee  ladun iha difikuldade, maibe parte ida mak telefone laiha, tanba inan aman labele sosa ida nee, preokupasaun neebe sira hasoru durante KO.

“Hau seidauk identifika lolos nain hira mak telefone laiha,” dehan Jose.

Nia informa, defisiente matan mos bele asesu ba iha aula online uza telefone hanesan android sira, tanba uluk hau mos la espera katak sira bele asesu, ezemplu Gaspar sira nee, tanba sira fo formasaun ba estudante sira.

Entretantu estudante Olinda Magno hatete, aula online diak ona, maibe estudante balun lapartisia masimu, tanba rede internet mos dolar ba dolar, entaun materia neebe professores hanorin la konsege tuir to’o remata, tanba failansu rede internet. Nee duni husu ba governu liu husi Ministeriu Edukasaun, Joventude, no Desportu, atu haree mos ba asuntu nee, atu nunee ema hotu asesu ba iha aula online nee ho diak.*

Reportajen: Joaninha Belo/Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...