Embaixador EUA – MEJD Inagura Eskola Foun

BAUCAU, STLNEWS.co – Embaixador Estadus Unidus Amerika (EUA) ba Timor Leste, Kevin Blackstone no Ministru Edukasaun, Juventude, no Desportu (MEJD), Armindo Maia inagura eskola foun neebe konstroi husi Forsa Naval EUA, iha Suku Seical, Postu Administrativu Baucau Vila, Munisipiu Baucau.

“Fulan hirak liu ba hau halo vizita eskola nee bainhira EBC halao nia servisu hela nia fatin obra ida nee, foin mak halo hotu alisersi hau impresionadu tebes, katak sira halo hotu projetu nee ho lalais los liu liu hafoi atrazu sira kauza husi pandemia no inundasaun iha fulan Abril” dehan Embaixador Estadus Unidus Amerika, Kevin Blackstone liu husi nia diskursu wainhira halo inagurasaun eskola EBC Seical, iha Aldeia Hene Uabubu, Suku Seical, Postu Administrativu Baucau Vila, Munisipiu Baucau, Segunda (12/07/2021).

Nia hatutan, projetu nee nuudar ezemplu boot ida entre nasaun Timor Leste ho Forsa Naval Estadus Unidus Amerika, bainhira ita servisu hamutuk bele halo buat diak ida hadia povu Timor Leste nia moris.

Embaixador EUA nee hatete, la kleur tan sei simu projetu foun ida iha tempo badak konstrui sala haat ba eskola sekundaria jeral Vila Nova, tanba Estadus Unidus Amerika komprimitidu atu apoiu edukasaun ba joven Timor Leste liu husi projetu infrastrutura no mos programa ba manorin nain sira hanesan interkambion, bolsa estudu, no seluk tan.

Nia hatutan, hatene katak labarik sira wainhira estuda ka halimar iha fatin nee fo inspirasaun ba forsa naval sira neebe servisu kalan loron too kompleta projetu too remata.

“Obrigado imi hamutuk ho ami hodi selebra konstrusaun fasilidade sala de aula ida nee iha EBC Seical, hau orgullu los feto mane iha Estadus Unidus nia naval servisu neebe kompleta ona sira nia projeto ba dala 102 iha tinan 10 resin servisu makas iha Timor Leste nee” katak Embaixador EUA nee.

Iha fatin hanesan Ministru Edukasaun, Juventude, no Desportu (MEJD), Armado Maia hatete, edifisiu eskola foun neebe mak apoiu husi Forsa Naval Amerika liu husi nia embaixada ba nasaun Timor Leste liu liu ba munisipiu Baucau nunee kuidadu edifisiu foun nee.

“Embaixador nuudar reprezentante governu Estadus Unidus Amerika ba Timor Leste liu husi Forsa Naval Sivil Amerika nian neebe durante tinan ida tomak servisu hamutuk iha nee, agora ita fo liafuan mamuk deit obrigado,” dehan Ministru Armindo.

Maske liafuan obrigado nee mamuk maibe importante liu wainhira eskola ka fatin neebe mak sira hari tau ita matan lalika hetan estragus.

Entretantu Prezidente Autoridade Baucau, Olivio Freitas hateten, kontrusaun sala tolu neebe mak durante forsa naval halo hahu iha tinan 2020 fulan Novembru, povu Amerikanu iha duni inisiativa hodi ajuda tebes dezenvolvimentu edukasaun iha Timor Leste liu liu iha munisipiu Baucau liu husi kooperasaun estadu Timor Leste ho Estadus Unidus Amerika.

“Hau agradese ba forsa sira tantu feto no mane husi Forsa Naval Estadus Unidos nian dedikasun servisu makas ho tempo hodi bele kontribui eskola Seical ohin konsege finaliza duni hodi oferese ba edukador no alunus sira atu utiliza ba prosesu aprendizajem,” dehan PAM Baucau nee.

Nia hatutan, desde restaurasaun ba Timor Leste nia indenpedensia iha tinan 2002, indepedensia lao durante 19 anos maske hanesan nee infrastrutura eskola no ekipamentu inklui profesores kualifikadu tebes neebe adekuado ba prosesu aprendizajen sei hasoru problema.

Entretantu fasilidade foun nee gastos orsamentu $353.000 no sei fo benefisia ba estudante nain 300, nunee forsa naval EUA sei kontinua prezensa iha Timor Leste neebe desde 2009, ho rotasaun ba enjineiru sira kada fulan nee hodi hadiak infraestrutura edukasaun no saude iha Timor Leste.*

Reportajen: MJ-1
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: