Enkoraja Profesores Sira Halo Rezumu Badak Ba Estudante

BAUCAU, STLNEWS.co – Vise Diretor eskola Sekundaria Publiku Filial Vemasse enkoraja profesores sira, atu halo rezumu badak fahe ba estudante sira, tanba materia rezumu ne’ebé Ministeriu Edukasaun, Juventude, no Desportu (MEJD), liu husi Servisu Edukasaun Munisipiu Maucau fahe ba kada eskola iha Munisipiu Baucau, la tuir numeru estudante iha Eskola Sekundaria Publiku Filial Vemasse.

Kestaun ne’e hato’o husi Vise Diretor Eskola Sekundaria Publiku Filial Vemasse, Jeovaldo Carvalho Soares ba STL iha nia knaar fatin, Kuarta nee (29/09/2021)

“Agora dadaun ami enkoraja profesores sira reativa fila fali, sira mos halo rezumu badak ida ba estudante sira atu estuda iha uma ” dehan vise diretor nee.

Nia hatutan, durante governu implemente Serka Sanitaria (SS) iha Munisipiu Baucau hapara prosesu aprendizajen tomak, liu husi MEJD hodi kria programa eskola ba uma, estudante maioria mak labele aproveita ho diak, tanba laiha fasilidade hanesan telefone android, hodi utiliza asesu iha eskoka online ne’e, nomos balun iha telefone hodi asesu eskola online, maibe iha parte seluk mos lina internet la favoravel.

Nunee iha semana hirak liu ba, MEJD liu husi servisu edukasaun munisipiu fahe materia rezumu ba kada eskola sira, maibe rezumu neebe mak fahe iha eskoka refere, estudante terseiro ano kuaze simu hotu ona, maibe estudante primeiro ano no segundo ano balun seidauk hetan materia rezumu.

Iha fatin seluk, Diretor Eskola Sekundaria Jeral  No.1 Tirilolo Baucau Paulo Dias Menezes hatete, materia rezumu neebe MEJD halo distribuisaun ba kada eskola iha Eskola Sekundaria No.1 Tirilolo Baucau sei falta materia rua.

“Disiplina rua ingles ho portugues mak seidauk, to’o agora seidauk iha,” katak diretor.

Nia hatutan, hanesan responsavel iha eskola nee, hato’o repete beibeik ba servisu edukasaun Baucau, maibe to’o ohin loron laiha rejultadu pozitivu.

Nunee deside orienta profesores sira halo rezumu badak fo ba estudante sira, atu bele estuda hodi tuir ezame segundu periodu neebe lao ona loron 28 fulan Setembru tinan 2021 ne’e.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...