EPEC Laiha Termometer

Atu prevene estudante sira husi surtu COVID-19 presiza termometer, maibe ekipamentu nee iha Eskola Publika Ekonomia Comersiu (EPEC) laiha. (Foto: STL)

BAUCAU, STLNEWS.co – Atu prevene estudante sira husi surtu COVID-19 presiza termometer, maibe ekipamentu nee iha Eskola Publika Ekonomia Comersiu (EPEC) laiha. Kestaun nee hatoo husi Diretor EPEC, Deonisio Tomas Ximenes ba STL, iha nia knaar fatin Kailara, Kinta (04/02/2021).

“Ami prekoupa tebes ho moras Covid-19 nee, tamba eskola nee kada professor/a orienta, no ba alunus kada sala iha kedas balde iha sala oin hodi nunee sira tama karik tenke fase liman no uza maskra maibe ami desenfetadu termometer, desenfetadu iha ami baibain nee kada semana fulan ida dalarua entaun desenfetadu tan nee laiha termometer professor/a sira ba hanorin se mak sente sira haruka fila no enkamina kedas ba iha ospital” nia tenik.

Diretor nee dehan, sira atu prevene moras covid maibe termometer laiha, maibe sira orienta ba eskola katak tenke fase liman nafatin no uza maskra, ba alunus balun neebe mai tarde sira la fase liman no halai tama deit tan nee sira orienta nafatin loro-loron mai nee, sira haruka ba halo limpeza no fase liman mak tama sala laran, no eskola nee rasik la hetan apoiu husi Ministeriu Saude maibe sira mai iha tempu Covid-19 sira fo avaliasaun deit ba eskola nee.

“Eskola nee rasik presiza liu ba bee, tamba bee neebe iha sempre sosa tamba tinan uluk sira sosa bee nee dalaruma maibe agora dalaruma sosa bee fulan ida dala haat, bee neebe mak hola lolos nee uza osan komsumsi eskola nian, maibe konsumsi eskola nee dalaruma fulan nee ou fulan tolu sai dala ida, tan nee ami tenke tusan ou deve no sira halo nota deit bainhira osan neeba sai mak foin selu fila fali,” hatete nia.

Nia hatutan iha tinan 2021 nee eskola nia planu, primeiru hakarak hare liu ba materia habitantiku, atu nunee oinsa sira eskola nee lao ho diak no mos sira nia prioriedade neebe mak sira bele aprende ho diak, tamba iha tinan nee iha fulan Novembru estudante atu estajiu hamutuk 111, tan nee presiza buat barak hanesan edifisiu ladun favoravel, laboratorium laiha no biblioteka laiha, ida nee mak sai hanesan prekoupasaun ba eskola, nee prioridade ba eskola nian.

Deonisio esplika agora dadaun nee simu estudante foun hamutuk hitu nulu resin tolu (73) no fahe ba departamentu rua mak hanesan Departamentu Kontabilidade no Sekretariadu no eskola nee estudante iha tinan kotuk mak barak no tinan ida nee estudante menus tamba ho razaun kuaze eskola komesa abrajen tamba iha postu administrativu mos loke ona, tan nee iha tinan nee mais ou menus tun 30% hanesan nee, tinan uluk nee simu estudante foun hamutuk 140 maibe agora simu estudante foun hamutuk hitu nulu resin tolu (73), estudante total hamutuk atus tolu (300) no iha sala lima (5).*

Reportajen: ESTDO
Editora: Carme Ximenes

LEAVE A REPLY

Please enter your comment!
Please enter your name here